Ramush Tahiri si Baba Vanga, vjen me parashikimin e fundit

Ai në një intervistë dhënë Gazetës Blic, ka thënë se nuk beson që sfidat e qeverisë së kaluar mund të tejkalohen pasi që sipas tij, pjesë e së kaluarës është vet PAN-i.

Tahiri ka thënë se nuk sheh arsye që PDK-ja e cila ka qenë pjesë e qeverisjes së kaluar, të mund t’i kaloj tani këto sfida siç është, demarkacioni i kufirit me Malin e Zi, vazhdimi i bisedimeve Prishtinë – Beograd, asociacioni i komunave serbe. Sipas tij, qëndrimet dhe argumentet që i kanë dhënë këta të fundit nuk janë të përputhshme me ato të fushatës.

“Sa i përket qëndrimeve dhe argumenteve, nëse janë të përputhshme me ato që i kanë thënë gjatë fushatës, do të thotë se këta nuk duan t’i kalojnë këto sfida. Jo a munden t’i kalojnë, por nuk duan t’i tejkalojnë.”

Tahiri ka thënë se nuk është problemi se a munden t’i tejkalojnë, por nuk duan t’i tejkalojnë, sepse sipas tij, ata janë kundër asociacionit, kundër demarkacionit, kundër bisedimeve, shkruan Gazeta Blic.

“Kjo është shumë e çartë. Këta nuk duan t’i kalojnë ato sfida, në formën që me i votu, sepse këta duhet t’i përmbahen programeve me të cilën i kanë fituar zgjedhjet. Ndërsa programi është bazuar që demarkacioni është keq, që bisedimet janë keq, që asociacioni është keq, do të thotë kështu ka qenë programi dhe tash duhet me i inkorporua në program qeveritarë. Tani, këto që i thonë, a munden më pas përkrahjen ndërkombëtare unë nuk e di,” – është shprehur Tahiri.

Baba Vanga, profetesha e lindur në Bullgari, e cila ka vdekur në vitin 1996, ka qenë e njohur i Nostradamusi i Ballkanit, sepse 85 për qind e parashikimeve të saj kanë dalë të sakta.