3 orë më parëQeveria “Haradinaj” deklarohet për takimin Prishtinë-Beograd-Tiranë
Periskopi(9 vite më parë)
(9 vite më parë)Gjatë ditës së sotme, gazeta beogradase “Danas” ka publikuar një shkrim, në të cilin thuhej se shumë shpejt do të mund të zhvillohej një takim mes Prishtinës, Beogradit dhe Tiranës, respektivisht kryeministrave të këtyre vendeve. “Ky takim trelateral tashmë është paralajmëruar, e kur të kihen parasysh projektet e iniciuara të procesit të Berlinit, ka indikacione […]
“Ky takim trelateral tashmë është paralajmëruar, e kur të kihen parasysh projektet e iniciuara të procesit të Berlinit, ka indikacione se një takim i tillë mund të zhvillohet në Nish”, ka shkruar sot “Danas”.
Por, një gjë të tillë e mohon Qeveria e Kosovës. Halil Matoshi, Zyrtar për Informim në Kabinetin e Haradinajt, tregoi për “Indeksonline” se nuk kanë marrë ndonjë ftesë për takimin trepalësh.
“Jo absolutisht, kjo është vetëm një informatë që e kemi lexuar në bazë të një gazete të Beogradit, por ne nuk kemi asnjë informatë zyrtare. Nuk ka takim sepse nuk ka ftesë”, u shpreh Matoshi.
Ndryshe, mediet të afërta të Vuçiqit kanë theksuar se Beogradi, Tirana dhe Prishtina do të kenë leverdi nga projektet e përbashkëta, sikur që është ndërtimi i autostradave.
Sipas “Danas”-it, Qeveria e Serbisë ende nuk ka një qëndrim se si do të sillet kryeministrja Ana Brnabiç, gjatë takimeve rajonale ku do të marrë pjesë edhe kryeministri Ramush Haradinaj.
