“Prokurori”, fans i Kadri Veselit – e uron për zgjedhjen kryetar Kuvendi

Zgjedhjes së Kadri Veselit si Kryetar i Kuvendit të Kosovës, duket se nuk i janë gëzuar vetëm anëtarët e koalicionit dhe partisë së tij, por edhe njerëz të ligjit.

Së paku kështu shihet në postimin e njërit nga “prokurorët” e Gjykatës Supreme të Kosovës, Erzen Mërlaku, shkruan Gazeta Fjala. Ky është zyrtar ligjor në këtë gjykatë, por në postimet e tij e paraqet veten si prokuror.

Mërlaku përmes një postimi në llogarinë e tij në rrjetin social Facebook, ka uruar Kadri Veselin për postin e tij.

“Urime për Kreytarin e Kuvedit të Kosovës z.Kadri Veseli!”, ka shkruar Mërlaku.