PDK’ja e do Drenicën vetëm për vota, asnjë post qeveritar për ta

Ndonëse ende nuk janë zyrtarizuar të gjithë emrat e ministrave, Partia Demokratike e Kosovës ka propozuar Enver Hoxhajn si zëvendëskryeministër, Rexhep Hotin – ministër i Kulturës Rinisë dhe Sporteve, Abelard Tahirin – Ministër i Integrimeve dhe Diasporës, Dhurata Hoxhën – Ministre e Drejtësisë, Uran Ismajlin – Ministër i Inovacionit, Agron Mustafën – Ministër i Financave dhe Besim Beqajn – Ministër të Shëndetësisë.

Asnjë nga këta emra të përfolur nuk vijnë nga rajoni i Drenicës, nga i cili koalicioni PAN u votua masivisht, transmeton Periskopi.

Edhe pse PDK e drejtuar nga Kadri Veseli merr shumicën absolute të votave në Drenicë, duket se për të nuk është e mjaftueshme që ta zgjedh të paktën një ministër nga ajo trevë.

Kjo ngrit dyshime që PDK e do Drenicën, vetëm për shkak të votave që arrin të sigurojë nga ai rajon, meqë asnjë post qeveritar nuk është ‘rezervuar’ për ta, shkruan Periskopi.

Në Qeverinë e drejtuar nga Isa Mustafa, Drenica përfaqësohej vetëm me Ferat Shalën që është nga Drenasi,  cili në krye të kësaj detyre kishte ardhur shumë vonë, për shkak të dorëheqjes së Ferid Aganit.

Për dallim nga Drenasi, Skenderaj po mbetet në dy mandate rresht pa përfaqësim në nivel të ministrave në Qeveri, pasi që as në Qeverinë e drejtuar nga Isa Mustafa nuk kishte asnjë ministër. E të njëjtin fat do ta ketë edhe këtë vit,  meqë kryetari i PDK’së, Kadri Veseli, nuk angazhoi askënd nga kjo komunë në kabinetin e Qeverisë ‘Haradinaj’./Periskopi