2 orë më parëPDK sërish me akuza për qeverisjen në komunën e Prishtinës
Periskopi(9 vite më parë)
(9 vite më parë)Partia Demokratike e Kosovës, Dega në Prishtinë, sot përmes një konference për media ka demantuar kryetarin Shpend Ahmeti lidhur me përmbushjen e premtimeve të tij. Sekretari i PDK-së në Prishtinë, Bujar Cakolli, ka thënë se asnjë premtim përmbajtjesor nuk është përmbushur gjatë këtyre katër vjetëve, kështu duke përmendur tri premtime. Për premtimin e Ahmetit për […]
Sekretari i PDK-së në Prishtinë, Bujar Cakolli, ka thënë se asnjë premtim përmbajtjesor nuk është përmbushur gjatë këtyre katër vjetëve, kështu duke përmendur tri premtime.
Për premtimin e Ahmetit për furnizim të pandërprerë me ujë, Cakolli ka thënë se tash ai ka përfunduar duke u munduar t’i përvetësojë meritat e të tjerëve për ndërtimin e fabrikës së ujit në Shkabaj.
“Vetëvendosje dhe Shpend Ahmeti kishin premtuar se brenda 12 muajve do ta bëjnë planin aksional për investimet e nevojshme në secilën lagje për parandalimin e humbjeve të ujit në gjithë rrjetin. Kurse, brenda 24 muajve, kishin premtuar se do t’i përfundonin të gjitha investimet kapitale dhe qytetarët e Prishtinës do të kenë furnizim të pandërprerë me ujë në të gjitha lagjet që janë pjesë e rrjetit në Prishtinë. Mirëpo, për 24 muaj nuk kishin bërë asgjë dhe qytetarëve të Prishtinës u ishte përkeqësuar furnizimi me ujë edhe më shumë, derisa u ndërtua Fabrika e Përpunimit të Ujit në Shkabaj, për të cilën Shpend Ahmeti nuk ka fije merite, ndonëse me propagandën e tij është munduar t’i përvetësojë meritat e ndërtimit të saj.’’, ka thënë ai.
Gjithashtu, për familjet në asistencë sociale, Cakolli thotë se qeverisja në Prishtinës kishte premtuar edhe lirime për pagesën e ujit deri në 18 mijë litra gjatë muajit, por thotë se as që kanë provuar ta përmbushin këtë premtim.
Sekretari i PDK-së së Prishtinës ka folur edhe për krijimin e tregut të prodhimeve vendore.
“Tregu i prodhimeve të vendit “Duaje tënden” është edhe një premtim tjetër i papërmbushur i Kryetarit të Prishtinës, i cili kishte premtuar se do të krijonte një treg pa pagesë për prodhuesit vendorë.’’, ka thënë ai.
Ndërkaq, si premtim tjetër, me të cilin është marrë sot Dega e PDK-së në Prishtinë është edhe ”dështimi” i rregullimit të trafikut në Prishtinë.
Cakolli ka thënë se përgjigjen nëse është përmirësuar trafiku në Prishtinë e dinë çdo qytetar, sepse çdo ditë e përjeton kaosin në trafikun e Prishtinës, i cili vetëm sa është përkeqësuar edhe më shumë.
