Paralajmëron OKB: Spastrimi etnik në Mianmar nuk ka të ndalur

Në një fjalim drejtuar këshillit të të drejtave të njeriut të Kombeve të Bashkuara në Gjenevë, Zeid Ra’ad al-Hussein denoncoi “operacionin brutal të sigurisë” kundër shtetit Rakhinë, të cilin ai tha se ishte i “qartë joproporcional” ndaj sulmeve kryengritëse të kryera muajin e kaluar, raportoi “The Guardian”, transmeton Periskopi.

Më shumë se 270,000 njerëz kanë ikur në Bangladesh javët e fundit, dhe shumë të mbërthyer në kufi në mes djegieve të fshatrave dhe vrasjeve të shumta jashtëgjyqësore.

“Unë i bëj thirrje qeverisë që t’i japë fund operacionit të saj të tanishëm ushtarak, kërkoj përgjegjësi për të gjitha shkeljet që kanë ndodhur dhe për të ndryshuar modelin e diskriminimit të rëndë të përhapur ndaj popullsisë Rohingya”, tha Zeid.

“Situata duket një shembull i librave shkollorë për spastrimin etnik”, shtoi ai.

Të dielën ministri i jashtëm i Bangladeshit akuzoi qeverinë e Birmanisë për kryerjen e “gjenocidit” kundër Rohingya-s.

Gjatë fundjavës, Dalai Lama u bë laureati më i fundit i çmimit Nobel për paqe për të folur për krizën, duke u treguar birmanezëve të përfshirë në sulmet ndaj pakicës etnike myslimane për të “kujtuar Budën”.

India gjithashtu rriti presionin mbi Mianmarin, duke u bërë thirrje autoriteteve të tregojnë përmbajtje, pasi Delhi shprehu planin e vet për të kthyer mbrapsht 40,000 refugjatë Rohingya.

Dhuna u shkaktua më 25 gusht, kur një grup militant Rohingya sulmoi policinë ku mbetën të vrarë 12 njerëz.

Grupet e milicisë, forcat lokale të sigurisë dhe ushtria e Birmanisë u përgjigjën me “operacione spastrimi” që i kanë detyruar dhjetëra mijëra të marrin rrugë drejt Bangladeshit.

“Komuniteti ndërkombëtar është duke thënë se është një gjenocid. Ne gjithashtu themi se është një gjenocid”, u tha Ali gazetarëve në Daka.

Ai tha se fluksi i refugjatëve në muajin e kaluar mori numrin e përgjithshëm të Rohingyave në Bangladesh për më shumë se 700,000. “Tani është një problem kombëtar”, tha ai.

Ali tha se rreth 10,000 shtëpi ishin djegur në shtetin Rakhine, një shifër që nuk mund të verifikohet saktë pasi Mianmari e ka kufizuar hyrjen e organizatave të pavarur.

Rohingya është përndjekur sistematikisht për dekada të tëra nga qeveria birmaneze e cila, në kundërshtim me disa prova historike, i konsideron ata si emigrantë të paligjshëm nga Bangladeshi dhe kufizon të drejtat e tyre të shtetësisë dhe qasjen në shërbimet qeveritare.

Operacionet më të hershme të sigurisë janë përshkruar si “krime kundër njerëzimit” të mundshme nga Kombet e Bashkuara.

Popullsia e Mianmarit është kryesisht budiste dhe ka urrejtje të gjerë për Rohingyat myslimanë, të cilëve u mohohet shtetësia dhe etiketohen emigrantë ilegalë “bengalezë”.

Nacionalistët budistë, të udhëhequr nga murgjit, kanë kryer një fushatë të gjatë islamofobike që bën thirrje që ata të dëbohen nga vendi. Udhëheqësja de facto civile Mianmarit Aung San Suu Kyi është dënuar për refuzimin e saj për të ndërhyrë në mbështetje të Rohingyas./Periskopi/