4 orë më parëPacollët idhnohen fort me Korab Sejdiun
Periskopi(9 vite më parë)
(9 vite më parë)Largimi i Korab Sejdiut pak orë para seancës ku do të votohet kryeparlamentari, e ka lënë AKR’në me një deputet më pak. Kështu, ata sot do t’i kenë vetëm 3 numra, shkruan gazetametro.net. E në AKR, largimin e Sejdiut e komentojnë shkurt. Madje, sekretari organizativ i kësaj partie, Rrahim Pacolli, ka lënë të nënkuptuar se […]
Largimi i Korab Sejdiut pak orë para seancës ku do të votohet kryeparlamentari, e ka lënë AKR’në me një deputet më pak. Kështu, ata sot do t’i kenë vetëm 3 numra, shkruan gazetametro.net.
E në AKR, largimin e Sejdiut e komentojnë shkurt. Madje, sekretari organizativ i kësaj partie, Rrahim Pacolli, ka lënë të nënkuptuar se Korab Sejdiu ishte i padevotshëm për AKR’në.
“Partinë e dëmton nëse shkon një deputet apo anëtar i devotshëm, e jo dikush që ka ardhur vetëm të bëhet deputet”, ka thënë ai për Metron.
Ndërkaq, Pacolli ka thënë se partia e tyre është e hapur dhe kush të dojë mund të rrijë e po ashtu edhe të shkojë.
“Është e lirë partia, kush don vjen kush don shkon. Ne s’kemi nevojë me komentu, po është i lirë le të shkon”, ka shtuar ai.
Megjithëkëtë, duke se lajmet për largim nga partia, edhe pse ka pak deputet, në AKR nuk bëjnë shumë përshtypje. Të paktën ashtu u shpreh sekretari i kësaj partie, pasi edhe pse është përgjegjësi për mbarëvajtjen e brendshme të partisë, thotë se për largimin e Sejdiut nuk ka dëgjuar akoma asgjë.
“Unë s’e pasna pa hala, por kush s’don me nejt ne nuk e mbajmë me zor”, ka thënë tutje Pacolli.
Ndryshe, në orët e para të kësaj dite deputeti Korab Sejdiu njoftoi se jep dorëheqje nga AKR’ja pas koalicionit me PAN’in.
