5 orë më parëMinistri që e emëroi Behgjet Pacolli, ka akuzë të rëndë në gjykatë
Periskopi(9 vite më parë)
(9 vite më parë)Në përbërjen e kabinetit qeveritar të kryeministrit të ri të Kosovës, Ramush Haradinajt, ka edhe ministra, të cilët kanë probleme serioze me ligjin. Në mesin e tyre është ministri i Zhvillimit Ekonomik nga radhët e AKR’së, Valdrin Lluka, i cili më parë ishte kryeshef i Agjencisë për Promovimin e Investimeve të Kosovës, që funksionon në […]
Në mesin e tyre është ministri i Zhvillimit Ekonomik nga radhët e AKR’së, Valdrin Lluka, i cili më parë ishte kryeshef i Agjencisë për Promovimin e Investimeve të Kosovës, që funksionon në kuadër të Ministrisë së Tregtisë dhe Industrisë.
Agjencia Kundër Korrupsionit kishte nisur hetimet kundër Valdrin Llukës, nën dyshimin për korrupsion, shkruan Periskopi.
Më 27 maj të vitit 2014, ish-ministri i MTI’së Bernard Nikaj, kishte marrë vendim t’i ndajë 20 mijë euro në formë subvencioni, OJQ-së me emrin “Jakova Inovation Center”, drejtor i së cilës ishte Valdrin Lluka, i cili njëkohësisht ishte edhe kryeshef i Agjencisë për Promovimin e Investimeve të Kosovës, që funksionon në kuadër të MTI-së, përderisa kryetare e Bordit të kësaj OJQ-je ishte Eljana Naka, sekretare e përhershme e kësaj Ministrie.
Në bazë të marrëveshjes së mirëkuptimit mes Ministrisë dhe OJQ-së “Jakova Inovation Center”, të nënshkruar para disa viteve, 20 mijë eurot e ndara nga buxheti i shtetit do të shkonin për qira, mirëmbajtje dhe pastrim, shpenzime të udhëtimit, konsulencë, internet, rrymë, dizajnim të ueb-faqes etj.
Përveç korrupsionit, ndaj Llukës ishin ngritur hetime për konflikt interesi, transmeton Periskopi.
Në bazë të disa dokumenteve, rezultonte se më 10 tetor të 2014’tës, “Jakova Inovation Center” kishte kërkuar nga MTI-ja edhe 6870 euro për instalimin e ngrohjes në objektin e kësaj organizate joqeveritare.
Atëkohë, Gazeta ‘Zëri’ kishte mësuar se ekzistonin dëshmi të bazuar për abuzime financiare nga Lluka, i cili tani është emëruar ministër i Zhvillimit Ekonomik nga radhët e AKR’së, pas marrëveshjes që kryetari i kësaj partie, Behgjet Pacolli kishte arritur me koalicionin PAN.
Përndryshe, organizata joqeveritare “Jakova Innovation Center” ishte themeluar më 26 gusht të vitit 2013. Ndërkaq, themelues të saj ishin Valdrin Lluka e Uranik Begu.
Pak më parë, Kohavisioni raportoi për rastin e Llukës, i cili nuk është anëtari i vetëm i kabinetit qeveritar që ka probleme me ligjin.
Zëvendëskryeministri dhe njëherësh kreu i Nismës për Kosovën, Fatmir Limaj akuzohet po ashtu për vepra që lidhen me korrupsionin në rastin e njohur si MTPT.
Prokuroria hetime ka nisur edhe ndaj ministrit për Inovacion dhe Ndërmarrësi, Besim Beqaj, i cili ishte njëri ndër personazhet kryesore të aferës “Pronto”./Periskopi
