Ky është qëndrimi zyrtar i Rusisë në lidhje me sanksionet e reja kundrejt Koresë

Rusia, kur shqyrtoi rezolutën e Këshillit të Sigurimit të OKB-së mbi Korenë e Veriut, tha se ky vend do shoh interesat e saj sepse është një vend ku ndodhen këto përshkallëzime të tensioneve luftarake, tha të martën zëdhënësi i Kremlinit, Dimitri Peskov.

“Pozicioni i Rusisë në lidhje me miratimin e kësaj rezolute bazohet kryesisht në interesat e Federatës Ruse për faktin se ndodhet në rajonin ku ndodhin ngjarjet, ku shohim një përshkallëzim shumë serioz të tensioneve të shkaktuara nga veprimet provokative të Pyongyang”, tha Peskov.

“Përsa i përket diskutimeve që kanë ndodhur me udhëheqësit e Kinës, Koresë së Jugut dhe Japonisë (në periferi të Forumit Ekonomik Lindor), sigurisht, ata na kanë ndihmuar seriozisht për të kuptuar nëse vendet e rajonit ishin në të njëjtin rrezik” tha zëdhënësi.

Peskov gjithashtu vuri në dukje se pikëpamjet e shteteve të përfshira në situatën e Koresë së Veriut ishin pothuajse të njëjta në lidhje me “përdorimin e forcës, si dhe nevojën për të këmbëngulur në de-nuklearizimin e Gadishullit Korean”.

Deklarata vjen një ditë pasi Këshilli i Sigurimit i OKB-së miratoi njëzëri sanksione të reja kundër Phenianit si një përgjigje ndaj testit bërthamor më të fuqishëm të Koresë së Veriut të zhvilluar më 3 shtator.

Rezoluta e OKB-së ndalon Pyongyangin të eksportojë tekstile, naftë dhe produkte të rafinuara të naftës të cilat mund të importohen. Gazi natyror dhe lëngjet janë gjithashtu të përfshira në mesin e artikujve ku Koreja e Veriut është e kufizuar nga importimi që tejkalon udhëzimet e OKB-së.

Kur komentoi mbi miratimin e sanksioneve të reja, ambasadori i SHBA në OKB Nikki Haley tha se “marrëdhëniet e forta” midis Presidentit të SHBA Donald Trump dhe presidentit kinez Xi Jinping luajtën një faktor kryesor në miratimin e rezolutës./Periskopi/