4 orë më parëKombet e Bashkuara: Regjimi i Bashar al-Assad prapë i sulmon civilët me armë kimike (Foto/Video)
Periskopi(9 vite më parë)
(9 vite më parë)Forcat siriane përdorën armë kimike të paktën 27 herë, kanë zbuluar hetuesit e OKB-së. Raporti i OKB-së gjithashtu dekreton SHBA-në për dështimin në mbrojtjen e civilëve nga sulmet e forcave islamike. Një panel i hetuesve të Kombeve të Bashkuara njoftoi të mërkurën se forcat e presidentit sirian Bashar Assad kishin përdorur armë kimike atë […]
Një panel i hetuesve të Kombeve të Bashkuara njoftoi të mërkurën se forcat e presidentit sirian Bashar Assad kishin përdorur armë kimike atë të gazit Sarin në qytetin e pushtuar të Khan Sheikhoun. Sulmet përmes gazit kimikë kanë vrarë më shumë se 80 vetë, raportoi “Deutsche Welle”, transmeton Periskopi.
Të gjeturat janë pjesë e raportit të fundit të OKB-së për luftën civile siriane të paraqitur në Gjenevë nga Komisioni i OKB-së për hetimin në Siri.
Një raport i mëparshëm nga Organizata për Ndalimin e Armëve Kimike (OPCW) nuk ishte i autorizuar për të ndarë fajin ose për të hetuar fajësinë, vetëm për të përcaktuar nëse një armë kimike ishte përdorur.
Hetuesit gjithashtu zbuluan se kishin dokumentuar 33 sulme të armëve kimike që nga shpërthimi i luftës në vitin 2011.
Njëzet e shtatë prej tyre u ekzekutuan nga forcat qeveritare të Asadit, duke përfshirë shtatë midis 1 dhe 7 korrik të këtij viti.
Autorët e gjashtë sulmeve tjera ende nuk janë identifikuar, thanë hetuesit.
Sulmi në prill ndaj vendit Khan Sheikhoun ku gazi Sarin ishte hedhur nga avionët ushtarak u përshkrua si “incidenti më i keq” dhe ishte emërtuar si një krim lufte.
Komisioni i OKB-së tha se raporti i tij i fundit, i cili mbulon gjetjet që nga marsi e deri në korrik të këtij viti, u bazua në informacionet e marra nga imazhet satelitore, video, fotot mjekësore dhe rreth 300 intervista të dëshmitarëve.
“Komisioni konstaton se ka baza të arsyeshme për të besuar se forcat siriane sulmuan qytetin e Khan Sheikhoun me një bombë sarin rreth 6:45 të mëngjesit më 4 prill, në një zonë të banuar me civilë”, thuhet në raport .
OKB deklaron dështimet e SHBA-së për të ‘mbrojtur qytetarët’ në sulmet e regjimit sirianë.
Hetuesit thanë se ishin gjithashtu “të shqetësuar seriozisht” nga operacionet e udhëhequra nga Shtetet e Bashkuara të Amerikës kundër grupit të ashtuquajtur “Shtet Islamik” (IS) në Siri.
Sipas grupit të të drejtave të “Amnesty International”, rreth 180 civilë u vranë gjatë ofensivës së Forcave Demokratike Siriane (SDF) të mbështetura nga SHBA në qershor dhe korrik për të rimarrë qytetin sirian Raqqa nga kryengritësit e IS-it./Periskopi/
https://www.youtube.com/watch?v=Ju1RtoBleGE
