‘’Kabineti i qeverisë së re, rezultat i pazareve të koalicionit ‘’

Njohësi i çështjeve politike në vend, Azem Vllasi konsideron se kabineti i ri qeveritar është tejet i ngarkuar.

Sipas tij, e gjithë kjo është rezultat i pazareve të koalicionit.

“Tepër i madh është numri i funksionarëve qeveritar, ministrave, zv.kryeministrave, zv.ministrave tepër i madh por kjo është rezultat i pazareve të koalicionit që e kanë bërë dhe nuk janë marrë në konsideratë nevojat reale të Kosovës për një qeveri funksionale por me u kënaq kërkesat e partive të koalicionit. Do të thotë është rezultat i marrëveshjeve dhe jo rezultat i nevojave”, ka thënë ai në një bisedë për Indeksonline.

Sipas tij, kërkesat e Listes Serbe kanë mundur të jenë edhe më madhore, marrë parasysh që vota e tyre ka luajtur rol të madh.

“Mandatin e kaluar i kanë pas tre vende të ministrave dhe kanë pretenduar aq, bile mirë është që s’kanë kërku ma tepër se qysh ka ardh puna me u nvarë shumëcka prej votave tyre edhe kanë mbetë në atë numër sa kanë pas më herët, a është deshtë ndonjë ministri tjetër apo këtë të Bujqësisë, ajo është punë e vlerësimeve por edhe kjo pjesë e marrëveshjes së subjekteve që janë në koalicion”.

Ndërkaq sa i përket çështjes së Demarkacionit dhe formimit të Ushtrisë, Vllasi thotë se nuk do të kalohen lehtë.

“Të shohim , duhet t’i dijmë pozicionet e partive se atëherë kanë që në opozitë tash janë në pushtet si do të dalin ndaj këtyre dy ceshtjeve për të cilat e patën bllokuar funksionimin e parlamentit dhe qeverisë, mbetet me u pa por nuk mendoje se do të dilet lehtë të cilat, është arsyeja që e patën bërë shkak për bllokimin e punës në parlament”, ka theksuar ai.