6 orë më parëJaponia dhe India po punojnë në ndërtimin e një treni në formë plumbi me shpejtësi marramendëse (Foto)
Periskopi(9 vite më parë)
(9 vite më parë)Në Gujarat të Mumbait do të ndërtohet një tren me shpejtësi prej 217 milje për orë e cila do të shkurtojë kohën e udhëtimit nga tetë orë në tre dhe do të financohet nga një kredi japoneze me interes të ulët. Sistemi hekurudhor i epokës koloniale në Indi është duke u përgatitur për të […]
Sistemi hekurudhor i epokës koloniale në Indi është duke u përgatitur për të bërë një hap të madh përpara, pasi kryeministri indian është duke punuar rreth një projekti për të vënë në qarkullim një tren në formë plumbi, raportoi “The Guardian”, transmeton Periskopi.
Kryeministri i Indisë Narendra Modi vuri gurin e themelit për linjën me shpejtësi të lartë të enjten gjatë një vizite nga homologu i tij japonez, Shinzō Abe, në shtetin perëndimor të Gujaratit.
“Kjo është India e re dhe fluturimi i ëndrrave të saj është i pafund”, tha Modi në ceremoninë e
hapjës së linjës së re hekurudhore. “Projekti i trenave në formë plumbi do të sjellë punësim”.
Linja me shpejtësi të lartë, e cila qeveria indiane synon të fillojë në 75 vjetorin e pavarësisë indiane konkretisht më 15 gusht 2022, do të drejtohet nga Ahmedabadi, kryeqyteti i Gujaratit, në qendrën financiare të Mumbait.
Zyrtarët indianë thonë se treni do të ketë një shpejtësi maksimale prej 217 milje për orë (350km / h), më shumë se dyfishi i shpejtësisë së trenit më të shpejtë të vendit, i cili shkon nga kryeqyteti Delhi në Agra me një maksimum të ngadaltë prej 100 milje për orë.
Treni i modelit Shinkansen do të shkurtojë udhëtimin prej 316 kilometrash nga Ahmedabad në Mumbai nga tetë orë deri në tre.
Më shumë se katër të pestat e kostos së projektit prej 19 miliardë (14.4 miliardë stërlina) do të financohen nga një kredi me normë interesi prej 0.1% nga Japonia, si pjesë e një marrëdhënieje më të thellë ekonomike që të dy vendet shpresojnë se do të veprojnë si një kështjellë kundër ndikimit kinez në Azi .
“Japonia ka treguar se është një mik i vërtetë i Indisë”, tha Modi të enjten.
Raportohet se ky projekt do të krijojë rreth 36,000 vende pune.
Trenat janë ende zgjedhja e preferuar e udhëtimit në distanca të gjata për shumicën e indianëve, por numri i pasagjerëve, sidomos në vendet më të shtrenjta, kanë filluar të të zvogëlohen që nga viti 2014.
Rrjeti i trenave të Indisë, i ndërtuar gjatë sundimit kolonial britanik është më i vjetër dhe më i gjati i Azisë në botë, që mbulon më shumë se 67.000 km./Periskopi/
