Ja kur Haradinaj e ministrat e tij marrin detyrën zyrtarisht nga Qeveria Mustafa

Gjatë seancës së djeshme, Ramush Haradinaj u zgjodh  Kryeministër i Kosovës me gjithsej 61 vota për.

E meqenëse votat i mjaftuan për të marrë pozitën e kërkuar nga ai qysh moti, gjatë ditës së nesërme ai pritet që të marrë edhe zyrtarisht postin e kryeministrit.

Në mesditë, kryeministri në largim Isa Mustafa do ia dorëzojë detyrën kryeministrit në ardhje Ramush Haradinaj.

Ndonëse për marrjen e pozitës nga kryeministri ekziston një rregull i cili duhet të ndiqet, për marrjen e pozitave nga ministrat nuk vlen një rregull i tillë.

Pranim-dorëzimi i detyrave nga ana e ministrave duhet të bëhet në mënyrën dhe kohën që të dyja palëve konvenon.

Kështu së paku tha shefi i kabinetit të Haradinajt, Avni Arifi.

“Kjo është çështje që rregullohet mes vetë ministrave mes vete, do të thotë ministrit të ri me ministrin paraprak. Caktohet një kohë e përshtatshme për të dy palët dhe atyre bëjnë pranim-dorëzimin e detyrës, sepse nuk ka ndonjë rregull  se kur duhet të bëhet pranim-dorëzimi i detyrës”, tha Arifi për Indeksonline.

Qeveria Haradinaj  zgjodh gjatë seancës së djeshme, ndërkaq kjo qeveri numëron gjithsej 21 ministri.