Thaçi: Dialogu me Serbinë nuk ka alternativë, duhet të bëjmë marrëveshje për t’i ikur konfliktit

Presidenti Hashim Thaçi ka thënë se dialogu me Serbinë nuk ka alternativë, pasi është e vetmja rrugë drejt ndërtimit të një paqeje të qëndrueshme.

Ai në tryezën e organizuar nga Institutit Demokratik të Kosovës ka nënvizuar se fqinjësia e mirë është shtegu kah kalon rruga evropiane e ballkanasve.

“Dialogu nuk ka alternativë, sepse duhet të bëjmë marrëveshje për t’i ikur konfliktit dhe për të ndërtuar paqe të qëndrueshme me Serbinë si fqinj. Duhet ndërtuar një frymë dialogu dhe bashkëpunimi; për të mbyllur kapitullin e luftës dhe hapur kapitullin e paqes”.