Google ka një lajm të rëndësishëm në lidhje me ndërhyrjen ruse në zgjedhjet elektorale të SHBA-së

“Ne jemi gjithmonë duke monitoruar për ndonjë abuzim apo shkelje të politikave tona dhe, nuk kemi parë ndonjë dëshmi se kjo lloj fushate reklamimi është drejtuar në platformat tona”, tha zyrtarë të Google-s në një deklaratë të enjten, siç citohet nga Reuters.

Gjiganti kërkues u pyet për të komentuar mbi çështjen në prag të akuzave të ndara nga Facebook, reklamuesi tjetër online, një ditë më parë, raportoi “Russia Today”, transmeton Periskopi.

Në raportin e tij të mërkurën, Facebook publikoi disa të dhëna ku e lidhë Moskën me rreth 3,000 reklama politike të drejtuara nga 470 llogari “joautentike” ndërmjet qershorit 2015 dhe majit 2017, të cilat prekën temën e SHBA-së duke filluar nga e drejta e armëve e deri te çështja e drejtave të LGBT-së dhe imigrimit.

Baza e vetme e dhënë për kërkesën ishte se websajtet ishin “të lidhur me njëri-tjetrin dhe ndoshta operonin jashtë Rusisë”.

Senatori Mark Warner, i ranguar nga demokratët në Komisionin e Inteligjencës së Senatit, një nga organet që dyshon për angazhimin e Rusisë në zgjedhjet e SHBA-së, i cili u takua me zyrtarët e Facebook në korrik të këtij viti.

Ai tha se pret që Twitter të ndjekë hapat e Facebook, i cili tashmë ka dërguar raportin e tij tek një këshilltar special Robert Mueller, i cili është i ngarkuar me hetimin e ndërhyrjes së supozuar ruse.

Twitter, megjithatë, nuk ka komentuar mbi këtë çështje deri tani.

Rusia ka mohuar në mënyrë të përsëritur pretendimet se ka ndërhyrë në fushatën zgjedhore të SHBA-së vitin e kaluar.

Në një intervistë me regjisorin Oliver Stone në qershor, presidenti rus Vladimir Putin, akuzoi SHBA-n për angazhimin e saj në zgjedhjet e fundit presidenciale të Rusisë në vitin 2012 duke bërë fushatë në anën e opozitës ruse./Periskopi/