Ekspertët juridik shpjegojnë kërkesën e Listës Serbe për postin e zv/presidentit të Kosovës

Lista Serbe e cila pritet të mbështetë koalicionin PAN-AKR ka kërkuar një pozitë jo të njohur për Kushtetutën e Kosovës.

Pozita e zëvendëspresidentit është kërkuar nga subjekti të cilin e drejton Goran Rakiq.

Mirëpo, njohësit juridik thonë se kjo praktike nuk është kushtetuese.

Profesori universitar, Riza Smaka ka thënë për “Indeksonline” se kjo kërkesë për të marr pozitën e nënpresidentit nuk është e paraparë më Kushtetutën e Republikës së Kosovës.

Ai e ka quajtur kërkesë në “ajër” e cila është me motive politike dhe jo e realizueshme.

Mirëpo, Smaka ka bërë me dije se vetëm nëse miratohet procedura për zëvendëspresident përmes ndryshimeve-plotësimeve kushtetuese, mund të iniciohet një kërkesë e tillë për këtë pozitë.

“Mund ta kemi vetëm një president, dhe posti i nënpresidentit nuk ekziston në vendin tonë. Kërkesa e Listës Serbe mund të jetë e stimuluar nga motive politike të caktuar, por jo për opinion e spekulime. Është kërkesë irreale , inekzistence dhe jo reale. Pa ndryshimet kushtetuese nuk është e mundshme, e realizueshme, pra vetëm nëse nisen procedurat për këtë” ka thënë Smaka.

Përveç kësaj, Srpska gjatë negociatave i është premtuar Ministria e Bujqësisë, departament ky që tani i përket Behgjet Pacollit, lideri i AKR-së.

Njohësi i çështjeve juridike, Mazllum Baraliu, për Indeksonline është shprehur se Lista Serbe ka parashtruar kërkesa maksimaliste, përmbushja e së cilave varet nga vullneti dhe interesi i partive të cilat do ta formojnë qeverinë.

Ai i ka shpjeguar përmes kushtetutës postet e kërkuara nga Lista Serbe.

“Lista Serbe që u është bashkëngjitë pas zgjedhjeve dhe tash AKR-ja, kanë parashtruar kërkesa maksimaliste. Dhe në frymën e këtyre kërkesave sigurisht që është edhe ajo posti, në bazë të nenit 96, të kushtetutës të Republikës së Kosovës, paragrafi 2 dhe 3 parashihet që se paku komuniteti pakicë, ai serb, duhet të ketë një ministër, dhe komiunitetet e tjera 1 ministër. Në qoftë se Qeveria i ka më shumë se 12 dikastere ose ma shumë se 12 ministra, që do të thotë 12 ministri, i shtohet edhe një ministër i komuniteteve pakicë, pa dalluar një nga komunitetet, mund të jetë serb, mund të jetë cilido komunitet. Paragrafi tjetër thotë mund të këtë më së paku edhe një një zëvendës ministër i komunitetit serbe dhe një nga komunitete tjera, nëse ka më shumë se 2 ministri duhet të këtë një të minoriteve serbe dhe një tjetër” ka shpjeguar Baraliu.