5 orë më parëKosova dënon përpjekjet bërthamore të Koresë Veriore
Periskopi(9 vite më parë)
(9 vite më parë)Qeveria e Kosovës, e drejtuar nga Ramush Haradinaj, i ka vlerësuar të papranueshme përpjekjet e Koresë së Veriut për të ndërtuar dhe përdorur programet bërthamore. Qeveria e Kosovës thekson se provokimet e Koresë së Veriut ndaj fqinjëve dhe botës demokratike kërcënojnë seriozisht përpjekjet për zgjidhjen paqësore. “Qeveria e Republikës së Kosovës i vlerëson të papranueshme […]
“Qeveria e Republikës së Kosovës i vlerëson të papranueshme përpjekjet e Koresë së Veriut për të ndërtuar dhe përdorur programet bërthamore dhe njëkohësisht i cilëson aktivitetet e autoriteteve të Pyongyangut si një rrezik për paqen dhe stabilitetin jo vetëm në rajon, por edhe në botë. Qeveria e Republikës së Kosovës thekson se provokimet e Koresë së Veriut ndaj fqinjëve dhe botës demokratike kërcënojnë seriozisht përpjekjet për zgjidhjen paqësore të çështjes bërthamore dhe shkelin ligjet dhe konventat ndërkombëtare”, thuhet në njoftimin e Qeverisë së Kosovës.
Qeveria e Republikës së Kosovës ka treguar se rreshtohet përkrahë botës demokratike në dënimin e çdo aktiviteti të paligjshëm dhe kërcënimit të paqes në botë dhe njëkohësisht bën thirrje për përballjen e Koresë së Veriut me sanksionet më të rënda politike e ekonomike.
Lexo më shumë në: http://www.gazetaexpress.com/lajme/qeveria-haradinaj-pozicionohet-per-krizen-berthamore-ne-korene-e-veriut-433929/?utm_source=referral&utm_medium=web&utm_campaign=copyright
