4 orë më parëE kërkon Spanja, ja biznesmeni i njohur shqiptar që iu bllokuan 4 milionë euro pasuri
Periskopi(9 vite më parë)
(9 vite më parë)Seksioni për Hetimin e Pastrimit të Parave dhe Asteve Kriminale në Drejtorinë Vendore të Policisë Tiranë, sekuestroi sot apartamente, garazhe e tokë, dyshuar të blera këto nga financa me burim kriminal. “Në kuadër të Panit të Masave “VJESHTË 2017” ” Për goditjen e grupeve dhe aseteve kriminale” , nga ana e Specialistëve të hetimit të […]
Seksioni për Hetimin e Pastrimit të Parave dhe Asteve Kriminale në Drejtorinë Vendore të Policisë Tiranë, sekuestroi sot apartamente, garazhe e tokë, dyshuar të blera këto nga financa me burim kriminal.
“Në kuadër të Panit të Masave “VJESHTË 2017” ” Për goditjen e grupeve dhe aseteve kriminale” , nga ana e Specialistëve të hetimit të Asteve Kriminale në Drejtorinë Vendore të Policisë Tiranë në bashkëpunim me Prokurorinë pranë Gjykatës së Shkallës së Parë për Krimet e Rënda është bërë sekuestrimi i disa pasurive në zbatim të Vendimit nr.22 të Gjykatës së Shkallës së Parë për krime të Rënda, në funksion të Procedimit Pasuror nr.19/2017 në ngarkim të shtetasit N.J, procedim ky i referuar në Prokurori nga Specialistët e Seksionit per Hetimin e Pastrimit të Parave dhe Asteve Kriminale në Drejtorinë Vendore të Policisë Tiranë”, thuhej ne njoftimin per shtyp te Policise. Por “BW” raporton se bëhet fjalë për biznesmenin e hidrosanitareve Nikolin Janinën, pronarin e kompanisë “Iberia invest” dhe “Alba ceramican” sh.p.k, e njohur ndryshe si “Porcelanosa”, të cilit policia i janë bllokuar 4 milion euro pasuri.
Burime të sigurta pranë Prokurorisë së Krimeve të Rënda, konfirmojnë për BalkanWeb lëshimin e një urdhërarresti ndërkombëtar nga Spanja për biznesmenin e njohur shqiptar, pasi dyshohet se është përfshirë në trafik droge.
Mësohet se qënë autoritetet spanjolle ato që kanë dërguar dosjen për biznesmenin si të përfshirë në trafik droge, ndërsa për të është lëshuar edhe një urdhër arresti ndërkombëtar, por që në Shqipëri nuk ka gjetur zbatim për shkak të mungesës së një marrëveshjeje ekstradimi mes Shqipërisë dhe Spanjës.
Pasi janë kryer verifikimet e nevojshme, në muajin Korrik prokuroria e Krimeve të Rënda, ka vendosur sekuestro prenventive ndaj pasurive të dyshimta të Nikolin Janinës.
Pasuritë e sekuestruara janë :
Apartamete të ndodhura në Tiranë gjithesej 4(kater) me një sipërfaqe 450 m2
Garazhde të ndodhura në Tiranë, gjithesej 2(dy) me një sipërfaqe 40 m2
Apartament i ndodhur në Vlorë, gjithesej 1(një) me një sipërfaqe 65 m2
Tokë e ndodhur në zonën e bregetit Drinmadh, Porto Palermo, Llaman, Amallol në Himarë me një sipërfaqe totale 31.000m2
Në total me një vlerë tregu pasuri të sekuestruar arrijnë vlerën 4 milon Euro.
Këto pasuri pasi u sekuestruan i kaluan nën administrim Agjensisë për administrimin e Pasurive të Sekuestruara dhe të Konfiskuara,pranë Ministrisë së Financave.
