7 orë më parëDokumentari serb kundër Kosovës në UNESCO, shqiptarët krahasohen me ISIS-in (VIDEO)
Periskopi(9 vite më parë)
(9 vite më parë)Në kuadër të fushatës së gjerë të shtetit serb kundër anëtarësimit të Kosovës në UNESCO, është shaqur një dokumentar në Paris para Ambasadorëve të kësaj organizate. Në pamjet e këtij filmimi, qytetarët kosovarë krahasohen me anëtarët e ISIS në shkatërrimin e trashëgimisë kulturore. Ndërkohë Serbia ka iniciuar një dialog për zgjidhjen e çështjes së Kosovës. […]
Shteti serb ka lançuar së fundmi një fushatë në format dokumentari kundër anëtarësimit të Kosovës në UNESCO.
Në dokumentarin e realizuar, qytetarët kosovarë krahasohen me grupin terrorist ISIS sa i përket shkatërrimit të trashëgimisë kulturore.
Pamjet nisin me shkatërrimin e disa tempujve antikë nga grupe terroriste te Shtetit Islamik.
Më pas ngrihet pyetja: “A e keni ditur se kjo po ndodh edhe në Europë? Ndërkohë që shfaqen pamjet e trazirave në Kosovë të vitit 2004”.
Kjo fushatë në formën e një traileri nën titullin “Kosova – moment në civilizim”, u prezantua të premten mbrëma në Paris përpara zyrtarëve dhe Ambasadorëve të UNESCO-s, ndërsa paralelisht Hajrullah Çeku, aktivist i Shoqërisë Civile në Prizren, ka thënë se që nga refuzimi në 2015, autoritetet kosovare nuk po bëjnë asnjë përpjekje për anëtarësimin e e Kosovës në UNESCO.
Fushata vjen pavarësisht faktit se presidenti serb Aleksandar Vuçiç ka marrë iniciativën për një debat të brendshëm lidhur për çështjen e Kosovës.
Debati po shihet si një dritë jeshile që Serbia të heqë dorë nga veprimet bllokuese ndaj Kosovës në anëtarësimet në organizata ndërkombëtare, përfshirë edhe UNESCO-n.
