4 orë më parëDemi: Kjo klasë politike ka synim pushtetin për qëllimet e tyre personale
Periskopi(9 vite më parë)
(9 vite më parë)Një prej analistëve më të zëshëm i cili kishte kritikuar zhvillimet e fundit në lidhje me politikën aktuale, Adon Demi ka thënë se shpallja e pavarësisë në vitin 2008 ka qenë e vetmjaftueshme duke mos pasur më qëllime. Sipas tij, kjo ka bërë që në mungesë të një qëllimi të përbashkët pushteti është shndërruar në […]
Një prej analistëve më të zëshëm i cili kishte kritikuar zhvillimet e fundit në lidhje me politikën aktuale, Adon Demi ka thënë se shpallja e pavarësisë në vitin 2008 ka qenë e vetmjaftueshme duke mos pasur më qëllime.
Sipas tij, kjo ka bërë që në mungesë të një qëllimi të përbashkët pushteti është shndërruar në qëllim në vete, transmeton Periskopi.
Ky është reagimi i plotë i analistit Agon Demi:
Një ndër arsyet përse na përsëriten krizat institucionale tani e disa vite, është edhe mungesa e një qëllimi të përbashkët shoqëror. Një qëllim të tillë e kishim deri në fund të viteve ’80, kur synonim status të barabartë me republikat tjera. Një qëllim të tillë e kishim gjatë viteve të ’90, kur synimi kolektiv ishte largimi i pushtimit serb dhe fitimi i lirisë. Një qëllim të tillë e kishim deri më 2008, kur arritëm të shpallim pavarësinë.
Sikur kjo shoqëri u mjaftu me shpalljen e pavarësisë dhe pas 2008 nuk kemi asnjë qëllim. Andaj, në mungesë të një qëllimi të përbashkët, pushteti është shndërru në qëllim në vete. E ky pushtet po përdoret për qëllime personale të pasurimit dhe fuqizimit të individëve e familjeve të caktuara.
Për këta që e synojnë pushtetin me çdo kusht, nuk kanë rëndësi njohjet e integrimet, për ate Ministria e Punëve të Jashtme udhëhiqet nga një analfabet; nuk kanë rëndësi investimet e huaja, pë ate Ministria e Zhvillimit Ekonomik do të udhëhiqet nga ai i cili e ka paditë Kosovën në gjykata të huaja; nuk ka rëndësi bujqësia, për ate kjo ministri do të udhëhiqet nga dikush që nuk e njeh shtetin e Kosovës.
Për me i dhanë një kuptim shtetit, na duhet një synim i ri kolektiv. Na duhet një shoqëri e cila i vë vetes si qëllim mbushjen e shtetit me substancë, ku garantohen liritë qytetare, ku garantohen liri ekonomike, ku shkollat edukojnë, e ku spitalet shërojnë.
E kjo klasë politike e cila synim ka pushtetin për qëllimet e tyre personale, nuk mundet me arrit këtë qëllim kolektiv. Deri atëherë, do vazhdojmë me zgjedh cuba në institucione shtetërore.
