Deklaratat e çuditshme të Bahtirit pas koalicionit me PAN-in: S’jam në siklet, nuk kam qenë kurrë më mirë

Nënkryetari i Aleancës Kosova e Re, Agim Bahtiri ka thënë në Klan Kosova se ndihet mirë dhe se nuk ka qenë kurrë më mirë, pas pyetjes së gazetarit se si ndihet pas koalicionin me PAN-in.

“Absolut jo. S’kam asnjë siklet. Kurrë më mirë s’kam qenë”, tha Bahtiri.

Ai e arsyetoi koalicionin me PAN-in, për të cilën gjë thoshte se më mirë të shkohet në tabut se në koalicion me PDK-në, duke thënë se është bërë më e mira e mundshme.

Fajtor kryesor për faktin se AKR përfundoi te PAN-i, ai e bëri kryetarin e LDK-së, Isa Mustafa.

“Unë nuk them që u bë mirë por u bë më e mira e mundshme. Ne kemi rezistuar tre muaj ditë që të mos ndodh kjo. Ndodhi sepse partneri, Isa Mustafa, të cilin ia kemi dhanë të gjitha mundësit, nuk kemi gjet mundësi që të dalim prej kësaj situate”, tha ai, shkruan Periskopi.

Bahtiri tha se i ka shtjerrur të gjitha mundësit për koalicione të ndryshme, porse për shkak të Mustafës, kjo gjë ka qenë e pamundur.

“Të gjitha mundësitë dhe bisedat i kam shtjerr me secilin lider, me secilin lider. Unë meniher e kam thirrë zotin Kurti dhe i kam thënë ec përpara. Isa Mustafa është fajtori kryesor. Albin Kurti është më së paku i fajshëm. Albin Kurti i ka qëndrimet e veta dhe unë i përkrahi qëndrimet e tij”, tha Bahtiri. /Periskopi/