7 orë më parëBlerand Stavileci sërish agresiv: Nëse “dojnë burrash, e bëjmë burrash”
Periskopi(9 vite më parë)
(9 vite më parë)Nënkryetari i PDK-së, Blerand Stavileci sërish është shfaqur agresiv, pas ofendimeve e kërcënimeve banale drejtuar njerëzve në llogarinë e tij në Facebook. Në Rubikon të KTV-së, Stavileci ka folur për konfliktin verbal që e pati me një person në Facebook. Ai tha se do të ishte në gjendje edhe të përplaset fizikisht, siç tha ai, […]
Nënkryetari i PDK-së, Blerand Stavileci sërish është shfaqur agresiv, pas ofendimeve e kërcënimeve banale drejtuar njerëzve në llogarinë e tij në Facebook.
Në Rubikon të KTV-së, Stavileci ka folur për konfliktin verbal që e pati me një person në Facebook.
Ai tha se do të ishte në gjendje edhe të përplaset fizikisht, siç tha ai, kur përfshihet edhe familja e tij, shkruan Periskopi.
Madje, Stavileci tha nëse “ata” duan “burrash, e bëjmë burrash”.
“A dojnë burrash, e bëjmë burrash. S’ka problem, ejani. Secilit do t’ia kthejë në mënyrë meritore …. (A do të përleshit fizikisht) …. Për nënën, gruan, motrën, vajzën, ti çfarë do të bëje. Kur vjen puna te familja, secilit shumëfish më shumë ia kthej. Sidomos te femrat, te gratë, te vajzat”, tha Stavileci.
Stavileci tha se personi me të cilin është konfrontuar në Facebook i ka dajtë e babain në Vetëvendosje.
“Qëndroj prapa atyre që kam shkruar në Facebook. Po. Po. Po. Dajë e babë i ka në Vetëvendosje”, tha ai.
Duke iu referuar dikujt në Vetëvendosje, ai tha se nuk do të lejoj që “kryebanditi me banditët të bëjnë ligjin në Kosovë”.
“Asnjëherë. Jo nuk do ta lëmë. Kush janë ata?”, tha ai. /Periskopi/
