5 orë më parëAnulohet tenderi që synonte t’u shpërndajë kifle vetëm fëmijëve të komuniteteve
Periskopi(9 vite më parë)
(9 vite më parë)Pas reagimeve nga komuniteti ashkali dhe partitë opozitare, Komuna e Lipjanit anuloi tenderin për furnizim me kifle për nxënësit e komunitetit RAE. Komuna kishte lidhur marrëveshje me një organizatë të këtij komuniteti që, përmes tenderit, të bliheshin kifle për këta fëmijë, të cilët parashihej të mbajnë orë shtesë mësimi për të kompensuar humbjet, raporton KTV. […]
Pas reagimeve nga komuniteti ashkali dhe partitë opozitare, Komuna e Lipjanit anuloi tenderin për furnizim me kifle për nxënësit e komunitetit RAE.
Komuna kishte lidhur marrëveshje me një organizatë të këtij komuniteti që, përmes tenderit, të bliheshin kifle për këta fëmijë, të cilët parashihej të mbajnë orë shtesë mësimi për të kompensuar humbjet, raporton KTV.
Kreu i degës së PDI-së, Lulëzim Qerimi, ka thënë se komuna nuk duhet t’i veçojë komunitetet edhe nëse ai diskriminim është pozitiv.
Në të njëjtën formë e sheh ketë projekt edhe kandidati për kryetar nga Lëvizja Vetëvendosje, Selatin Retkoceri.
Ndërsa kandidati për kryetar nga radhët e PDK-së, Ismet Hajrullahu, thotë se komuna kështu po nxit konflikte ndëretnike.
Mirëpo, të gjitha këto i hedh poshtë nënkryetari i komunës, Sefer Tasholli, i cili ka thënë se projekti nuk është vetëm për fëmijët e këtij komuniteti, por për të gjithë ata që ndjekin orët shtesë, pa përjashtim.
