Analisti: I bëj thirrje Labinot Tahirit që të dalë e të këndojë tallava për njerëzit që po lënë Kosovën

Analisti Krenar Shala i ka bërë thirrje deputetit të PANA-s, Labinot Tahiri që të dalë dhe t’i këndojë tallava njerëzve që po ikin nga stacioni i autobusëve në Prishtinë.

Shala ka kërkesë edhe për kryeministrin në detyrë, Isa Mustafa.

“Isa Mustafës i boj thirrje me shku edhe m’i kontrollu njerzt nëse kanë iPhone nëpër xhepa”, ka shkruar ai.

Kërkesa ka edhe për Ukë Rugovën, Behgjet Pacollin e Ramush Haradinajn.

Komenti i plotë i publikuar në Facebook:

I boj thirrje Labinot Tahirit me shku sonte deri te Stacioni i Autobusave edhe me ju knu live tallava njerzve që po ikin.

Isa Mustafës i boj thirrje me shku edhe mi kontrollu njerzt nëse kanë iPhone nëpër xhepa.

Ukë Rugovën e lus që me ja nisë me i bo gati vizat për njerzt që po ikin nëse rasisht i nalë Hungaria.

E lus Behxhet Pacollin që me e dhonë ni donacion për me shpërnda bukë falas për njezt që po ikin.

E Ramushit, ja rikujtoj që ka me konë kryeministër, pa marr parasysh që nuk po don populli dhe që ka me konë vegël e PDK-së edhe e Beogradit. Me randsi osht që ka luftu, edhe tash po bohet kryeministër, pa marr parasysh që ka me dështu ende pa fillu.