Ambasadori amerikan pas takimit me Haradinajn ka një porosi për udhëheqësit e Kosovës

Ambasadori amerikan, Greg Delawie ka përfunduar takimin me kryeministrin Ramush Haradinaj.

Ai në një prononcim për media ka bërë të ditur se me Haradinajn kanë biseduar për çështjet me të cilat do të përballet Qeveria e Kosovës për të ardhmen e vendit.

Delawie është shprehur se i ka theksuar Haradinajt për mbështetjen që do të vazhdojë ta ketë Kosova nga SHBA-ja.

“Sapo pata një takim me kryeministrin e ri. I theksova se SHBA-ja do të vazhdojë të mbështesë Kosovën si shtet Sovran, shumë etnik, demokratik e cila është e gatshmë të bëjë paqe me fqinjët e saj. prioritetet tona sa i përket politika mbesin ato që kanë qenë gjatë viteve të kalura, kanë të bëjnë me zhvillimin ekonomik dhe përmirësimin e marrëdhënieve dhe sigurisë rajonale. I bëj thirrje të gjithë udhëheqësve të ri të Kosovës, pa marrë parasysh a janë ministra, deputetë, që t`i vënë interesat e shtetit të tyre para të tjerave. Natyrisht që nuk ka kohë për të humbur, bota po ecë përpara dhe Kosova duhet të ecë përpara që të sigurojë që të marrë vendimet e rëndësishme për t`u siguruar se është në rrugëtimin euroatlantik”, është shprehur Delawie.