5 orë më parëAlbulena Haxhiu ironizon me PAN-in: Duket se dreka e tre gushtit nuk është ngrënë ende
Periskopi(9 vite më parë)
(9 vite më parë)Deputetja e Lëvizjes Vetëvendosje, Albulena Haxhiu thotë se partitë e koalicionit PANA janë duke bërë pazare me shtetin e Kosovës. Mosparaqitjes së PDK-së, AAK-së e Nismës për Kosovën në Kuvendin e Kosovës, Haxhiu i është përgjigjur me ironi, duke thënë se “si duket dreka e tre gushtit ka mbetur ende pa u ngrënë”, raporton Periskopi. […]
Deputetja e Lëvizjes Vetëvendosje, Albulena Haxhiu thotë se partitë e koalicionit PANA janë duke bërë pazare me shtetin e Kosovës.
Mosparaqitjes së PDK-së, AAK-së e Nismës për Kosovën në Kuvendin e Kosovës, Haxhiu i është përgjigjur me ironi, duke thënë se “si duket dreka e tre gushtit ka mbetur ende pa u ngrënë”, raporton Periskopi.
Haxhiu e ka pasur fjalën për kërkesën e parë të Enver Hoxhajt për të shtyrë seancën në mungesë numrash, duke e arsyetuar shtyrjen se deputetët do të hanë drekë.
“Pra sot ishte përpjekja e shtatë për të krijuar Kuvendin e Kosovës. Nuk u bë as sot, edhe përkundër faktit që PAN kishte kërkuar vet të mbahet seanca, ata nuk ishin të pranishëm, Siç duket Dreka e tre gushtit ka mbetur ende pa u ngrënë. Ata po bëjnë pazare me këtë vend, po bëjnë pazare me postet e Qeverisë. Ne do të jemi këtu sa herë që kryesuesi ta thërras seancën konstituive. Është shqetësues fakti, që këta njerëz për interesa private, familjare, po bëjnë pazare me këtë vend. Fundi i tyre politik duhet të vijë”, tha Haxhiu. /Periskopi/
