Zogiani godet rëndë Avdullah Hotin për sulmet ndaj institucioneve

Analisti politik, Avni Zogiani, përmes një statusi në Facebook, ka reaguar ndaj deklaratave të kandidatit të LAA për kryeministër, Avdullah Hoti, i cili dje tha se nuk do të bëjnë koalicion me ata që sulmuan institucionet duke aluduar në VV-në.

Zogiani iu është drejtuar Hotit duke i thënë se sulmi që iu është bërë institucioneve nga PDK dhe LDK është shumë më i rrezikshëm sesa gazi lotsjellës.

“Ju keni sulmuar rregullimin kushtetues duke provuar te bëni një njësi jo kushtetuese brenda Kosoves, e kjo ka një emër me te rende edhe se cilido sulm, qofte ai edhe sulm terrorist. Prandaj, mos flisni per sulme ndaj institucioneve, sepse ne një republike me një sundim te ligjit e kushtetutës, partia e juaj bashkë me PDK-në do të duhej të dorëzonin krerët e tyre para drejtësisë për një akt qe unë as qe po mund ta them këtu…”, ka thënë ai.

Ky është statusi i plotë i Zogianit:

Hoti po thote, qeverine nuk mund ta udheheqin njerezit qe sulmuan institucionet. Zoteri Abdullah Hoti, nuk e di nese e kupton se institucionet jane sulmue shume me rrezikshem sesa me gaz lotesjelles pikerisht nga LDK e PDK. Sulmi politik qe ju iu keni bere institucionece eshte konfirmuar edhe nga vete Gjykata Kushtetuese. Pra, ju nuk e keni bere aktin e hedhjes se gazit ne Parlament (nese doni me e mare kte si sulm), por ju keni sulmuar rregullimin kushtetues duke provuar te beni nje njesi jo kushtetuese brenda Kosoves, e kjo ka nje emer me te rende edhe se cilido sulm, qofte ai edhe sulm terrorist. Nese ju me sulme i referoheni sulmit te Parlamentit me RPG, atehere kjo ju ben nje spekulant te zakonshem sepse organet e hetuesise hala nuk kane prodhue diçka kredibile qe lidh dike me kete sulm. Prandaj, mos flisni per sulme ndaj institucioneve, sepse ne nje republike me nje sundim te ligjit e kushtetutes, partia e juj bashke me PDK-ne do te duhej te dorezonin kreret e tyre para drejtesise per nje akt qe une as qe po mund ta them ketu…