3 orë më parëZaev dhe Daçiq sot do të zhvillojnë një bisedë telefonike për të ‘zbardhur’ një rast…
Periskopi(9 vite më parë)
(9 vite më parë)Serbia pretendon se shërbimet e inteligjencës së Maqedonisë kanë përgjuar diplomatët e saj por edhe ish-kryeministrin Aleksandër Vuçiq e shefin e diplomacisë Ivica Daçiq. Sipas tyre në misionin e përgjimit janë përfshirë edhe fuqitë e jashtme. Shefi i diplomacisë serbe Ivica Daçiq ka thënë se personalisht se nuk i trembet përgjimeve, mgjithatë ka shtuar se […]
Serbia pretendon se shërbimet e inteligjencës së Maqedonisë kanë përgjuar diplomatët e saj por edhe ish-kryeministrin Aleksandër Vuçiq e shefin e diplomacisë Ivica Daçiq.
Sipas tyre në misionin e përgjimit janë përfshirë edhe fuqitë e jashtme. Shefi i diplomacisë serbe Ivica Daçiq ka thënë se personalisht se nuk i trembet përgjimeve, mgjithatë ka shtuar se përgjimi i telefonave nuk është normal, për arsye se Serbia ka mbajtur një qëndrim mbrojtës ndaj Maqedonisë, transmeton oraneës.
Akuzat janë mohuar nga homologu i Daçiq, Nikolla Dimitrov. Nga ana tjetër, shefi i diplomacisë serbe Ivica Daçiq kërcënoi edhe një herë me mosnjohjen e emrit kushtetues të Maqedonisë, nëse vendi do të mbështesë anëtarësimin e Kosovës në UNESO.
Për të diskutuar për zhvillimet e fundit mes dy vendeve presidenti serb Vuçiq sot pritet të realizojë bisedë telefonike me kryeministrin e Maqedonisë Zoran Zaev ndërsa një bisedë telefonike do të realizojnë edhe dy ministrat e jashtëm Daçiq dhe Dimitrov.
Raportet mes dy vendeve u tensionuan dy vite më parë kur Maqedonia kishte mbështetur anëtarësimin e Kosovës në UNESKO, për të vazhduar më pas me përfshirjen e një agjenti serb në protestat e dhunshme në Kuvend më 27 prill.
