8 orë më parëVeliaj flet për marrëdhëniet me Metën pasi u bë president
Periskopi(9 vite më parë)
(9 vite më parë)Erion Veliaj është përfolur për një raport të veçantë me Ilir Metën. Kjo u duk edhe në prag të fushatës elektorale në disa takime ku Meta pranoi ta shoqëronte nëpër Tiranë. Por tani gjërat kanë ndryshuar. Dhe këtë e pohon vetë kryebashkiaku i Tiranës. Ai tha në një intervistë për ABC Neës se ndryshimi në […]
Erion Veliaj është përfolur për një raport të veçantë me Ilir Metën. Kjo u duk edhe në prag të fushatës elektorale në disa takime ku Meta pranoi ta shoqëronte nëpër Tiranë. Por tani gjërat kanë ndryshuar. Dhe këtë e pohon vetë kryebashkiaku i Tiranës. Ai tha në një intervistë për ABC Neës se ndryshimi në raport ka ardhur pas zgjedhjes së Metës president.
“Unë kam pasur një marrëdhënie shumë të mirë me LSI, e kam një marrëdhënie shumë të mirë me LSI. Duhet të pranoj se me z. Meta kam pasur një marrëdhënie jashtëzakonisht korrekte, nuk kam asnjë kompleks që ta them këtë, pavarësisht se si shkuan gjërat politike në fushatë. Unë s’kam asnjë kompleks që të them që unë dhe Ilir Meta kemi pasur marrëdhënie shumë korrekte.
Diçka ndryshoi me ikjen e Ilir Metës në presidencë. Dhe duhet ta them këtë apriori, unë e mirëkuptoj. Pra një parti që në një muaj ndërroi tre kryetarë, pra Ilir Metën, Petrit Vasilin, Monika Kryemadhin, sigurisht që merr kohë që të axhustohesh. Dhe ia dedikoj këtë lapsus, këtë keqkuptim, këtë mosmarrëveshje këtij axhustimi të një partie që në një muaj ndërroi tre kryetarë. Unë sigurisht ndihem mirë që arsyeja triumfoi. A do kisha dashur, që jo vetëm për ujin, LSI të votonte të paktën për kreditë e buta? Ishte një program i shkëlqyer që u drejtua me porosi të veçantë nga ana ime nga nënkryetarja e bashkisë”.
Meta e ka ndryshuar raportin tërësisht jo vetëm me Erion Veliajn, por edhe me Edi Ramën. Dhe kjo ka ndodhur pas marrëveshjes së fshehtë të Ramës me Bashën dhe jo kur Meta u zgjodh president, siç deklaron Veliaj. /Lapsi.al
