Thaçi ka fjalë të mëdha për Majlinda Kelmendin

Majlinda Kelmendi është shpallur xhudistja më e mirë në botë për ciklin olimpik 2012-2016, në galambrëmjen që është mbajtur mbrëmë në Hungari.

Krenaria e Kosovës ka marr çmimin prestigjioz “Best Female Judoka Today” (Xhudistja më e mirë e sotme), i cili jepet nga Federata Ndërkombëtare e Xhudos.

Këtij lajmi i është gëzuar edhe i pari i Kosovës, Hashim Thaçi, i cili përmes një statusi ka uruar atë, shkruan Periskopi.

“Majlinda Kelmendi, si askush tjetër, personifikon ëndrrën, suksesin dhe krenarinë e popullit dhe të shtetit të Kosovës. Triumfet e Majlindës janë fitore të mëdha për shtetin tonë të ri”, ka shkruar Thaçi.

Ndryshe Majlinda është dy herë kampione botërore, dy herë evropiane dhe njëherë kampion

Statusi i plotë i presidentit Hashim Thaçit në Facebook:

Majlinda Kelmendi, si askush tjetër, personifikon ëndrrën, suksesin dhe krenarinë e popullit dhe të shtetit të Kosovës.

Prandaj, edhe Federata Ndërkombëtare e Xhudos, pa hezitim, e shpalli Majlindën si xhudistën më të mirë në botë.

Triumfet e Majlindës janë fitore të mëdha për shtetin tonë të ri. HTH.