‘Terroristët’ e Spanjës fotografohen pak para sulmit

Tre të dyshuarit që u vranë në Spanjë gjatë një sulmi terrorist javën e kaluar u fotografuan në supermarket, vetëm disa orë përpara vdekjes së tyre.

Sipas të përditshmes katalane “Ara”, të dyshuarit blen në të njëjtin dyqan katër herë, gjatë ditës së sulmeve në Barcelonë.

Gazeta raportoi se ata ishin klientë të rregullt, shkruan Syri.net.

Në ditën e sulmit ata blenë bukë, vezë dhe çakmakë.

Njëri prej tyre kishte veshur një këmishë të Real Madridit. Ata janë filmuar duke qeshur dhe duke luajtur me njëri-tjetrin.

Orë më vonë ata u vranë nga policia gjate sulmit terrorist, në vendpushimin bregdetar të Cambrilsit.