Teksas kërkon ndihmë, pritet të goditet nga një stuhi e madhe dhe e rrezikshme (Video)

Teksasi po përballet me një fatkeqësi shumë të madhe, pasi uragani Harvey  i është afruar bregdetit të tij, tha guvernatori i shtetit.

Harvey, aktualisht një stuhi e kategorisë së tretë në Gjirin e Meksikës, do të bëjë zbarkimin në bregun qendror të Teksasit, të premten vonë ose në orët e para të së shtunës.

Greg Abbott ka kërkuar ndihmë për stuhinë, e cila mund të jetë më e keqja që ka goditur SHBA-të në 12 vjetët e fundit, shkruan BBC, transmeton Periskopi.

Qendra Kombëtare e Uraganit tha se stuhitë mund të sjellin përmbytje të rrezikshme.

Abbott tutje deklaroi se  Harvey është duke u kthyer në një stuhi shumë komplekse dhe të rrezikshme.

‘’Ka gjasa të godasë në zemër të industrisë së rafinimit të naftës në Teksas, me Corpus Christi, një qytet me 320,000 njerëz’’, ka thënë ai.

Madje në një letër drejtuar Presidentit amerikan,  Donald Trump, ai ka kërkuar  ndihmë federale.

“Stuhia së bashku me përmbytjet e shiut, mund të çojë lehtë në miliarda dollarë të dëmtimit të pronës dhe me humbje të jetës së njerëzve “.

Shtëpia e Bardhë tha se Trump ka të ngjarë që të vizitojë Teksasin javën e ardhshme./Periskopi/