2 orë më parëHaradinaj arsyeton vonesën e krijimit të institucioneve, ka një mesazh për partitë politike
Periskopi(9 vite më parë)
(9 vite më parë)Ramush Haradinaj shkruan në Facebook se opinioni publik duhet ta mirëkuptojë koalicionin PAN pasiqë vonesat për krijimin e institucioneve kanë të bëjnë me përpjekjen e këtij koalicionit për të gjetur formulën e një ‘qeverie stabile’. “Vonesat kanë të bëjnë me gjetjen e një formule për institucione stabile qeverisëse dhe prandaj opinioni publik duhet të na […]
Ramush Haradinaj shkruan në Facebook se opinioni publik duhet ta mirëkuptojë koalicionin PAN pasiqë vonesat për krijimin e institucioneve kanë të bëjnë me përpjekjen e këtij koalicionit për të gjetur formulën e një ‘qeverie stabile’.
“Vonesat kanë të bëjnë me gjetjen e një formule për institucione stabile qeverisëse dhe prandaj opinioni publik duhet të na mirëkuptojë”, shkruan Haradinaj, transmeton Periskopi.
Ai thotë se partitë politike duhet të reflektojnë dhe t’i pranojnë rregullat e lojës si dhe thotë se vendi nuk mund të mbahet peng i inateve dhe kalkulimeve.
Postimi i plotë i Haradinajt:
E para zgjedhjet e kanë prodhu rezultatin që e dini të gjithë.
E dyta jemi përballë një kornize ligjore që nuk po krijon lehtësira.
E treta nuk jemi aspak të interesuar që ta bëjmë një qeveri sa për ta bërë.
Vonesat kanë të bëjnë me gjetjen e një formule për institucione stabile qeverisëse dhe prandaj opinioni publik duhet të na mirëkuptojë.
Është koha që partitë politike dhe udhëheqësit e tyre të reflektojnë dhe t’i pranojnë rregullat e lojës që na i ka percaktu kushtetuta dhe gjykata kushtetuese dhe ta zhbllokojmë vendin.
Ky vend nuk mund të jetë peng i inateve dhe kalkulimeve!
RH
