Sveçla: PDK-ja po m’i kujton strukturat e Millosheviqit kur inskenonin ngjarje tragjike

Xhelal Sveçla, deputeti nga radhët e Vetëvendosjes, ka reaguar ashpër llidhur me sulmin që ka ndodhur sot ndaj bashkëshortes së ministrit Blerand Stavilecit.

Ai sjelljen e eksponentëve të PDK-së, e ka lidhur me strukturat e regjimit të Millosheviçit të cilët vet inskenonin ngjarje tragjike si p.sh. vrasjen e fëmijëve serbë në lokalin Panda në Pejë e fajsonin shqiptarët për këtë, shkruan Periskopi.

Ai ka thënë se patjetër do të zbulohet kush e bëri rrahjen ndaj Arbana Xharrës por edhe gruan e Blerand Stavilecit.

Statusi i plotë i Xhelal Sveçlës:

Sjellja e eksponentëve të PDK-së po m’i kujton strukturat e regjimit të Millosheviçit të cilët vet inskenonin ngjarje tragjike si p.sh. vrasjen e fëmijëve serbë në lokalin Panda në Pejë e fajsonin shqiptarët për këtë. Tashmë dihet se kush kreu vrasjet atëherë (këtë e ka pranuar edhe Vuçiç) e patjetër se do të zbulohet se kush rrahu edhe Arbana Xharrën edhe gruan e Blerand Stavilecit. Para drejtësisë do të vihen edhe agresorët në këto raste por patjetër duhet edhe shpifësit e inskenuesit.

Përkundër çfarë i keni bërë Kosovës prej përfundimit të luftës deri sot, kam menduar se fundi juaj do të jetë pak më dinjitoz.