“Seanca e sotme, hipokrizi dhe tallje me popullin”

Tahiri tha se arsyeja e ndërprerjes së Seancës ishte koalicioni PAN.

Ai më tej tha se PAN ka të drejtën vetëm të propozojë kandidatin ndërsa janë deputet në Kuvendin e Kosovës ata të cilët votojnë.

“Mbledhja u ndërpre se PAN nuk i propozoi kandidatët për kryetar dhe për nënkryetar. Këtë obligim kushtetues nuk e kreu me arsyetimin se nuk i ka numrat. Kuvendi pra të gjithë deputetët janë ata që votojnë. Pra numrat janë te mbledhja e Kuvendit e jo te PAN. Ai e ka vetëm të drejtën e propozimit”, tha ai.

Sipas, Tahirit seanca e sotme është një tallje me popullin dhe një paturpësi.

Ndërsa debatet mes Kadri Veselit e Albin Kurtit i ka quajtur si niveli më i ulët i komunikimit.

“Është nivel i ultë i komunikimit : edhe politik edhe përmbajtjesor por edhe njerëzor. Është edhe nën kodin e mirësjelljes së deputetit. Seanca nuk e kreu obligimin e saj kushtetues dhe as përgjegjësinë ndaj popullit dhe ndaj qytetarëve që i kanë votuar.

Ishte një hipokrizi e skajshme dhe e pacipë, një tallje me popullin me një paturpësi arrogante”, ka thënë Tahiri, raporton Gazeta Blic.

Ndryshe, edhe sot, janë ndërprerë punimet e seancës konstituive të Kuvendit të Kosovës.

Deri te përfundimi i Seancës erdhi pas debatit të ashpër në mes të kandidatit për kryeministër nga Lëvizja Vetëvendosje, Albin Kurti dhe kryetarit të PDK-së, Kadri Veseli./GazetaBlic.com/