8 orë më parëMë së shumti të pagjetur nga Kosova e BeH
Periskopi(9 vite më parë)
(9 vite më parë)Për më shumë se 11 mijë të zhdukur po kërkojnë familjet pas luftërave në hapësirën e ish-Jugosllavisë, nga të cilët më së shumti janë nga Bosnja e Hercegovina dhe Kosova, theksohet në raportin e Komisionit Ndërkombëtar për Persona të Zhdukur (ICMP), transmeton Koha.net. “Nuk është e mundur të sillemi sikur shoqëria i është kthyer normalitetit […]
“Nuk është e mundur të sillemi sikur shoqëria i është kthyer normalitetit kur aq shumë qytetarë vazhdojnë të jetojnë me dhembje dhe në padrejtësi”, ka deklaruar drejtoresha e përgjithshme e ICMP, Kathryne Bomberger.
Duke pasur parasysh se mbi 70 për qind e të zhdukurve gjatë luftërave në territorin e Jugosllavisë janë gjetur, ajo ka theksuar se autoritetet shtetërore kanë për detyrë sipas ligjeve ndërkombëtare e vendore të bëjnë gjithë çfarë munden për të gjetur të zhdukurit dhe të mbështesin të drejtën e të mbijetuarve për të vërtetën, drejtësinë dhe kompensimin.
Sipas të dhënave, në luftërat e fundit në BeH ishin zhdukur 35 mijë persona, ndërsa tash po bëhen kërkime për 8 mijë sish, kurse në Kosovë ishin zhdukur 6 mijë, ndërkaq ende nuk dihet për rreth 1.700 sish. Numri më i madh i të zhdukurve nga Kosova janë gjetur në varrezat masive në Serbi – Batajnicë, Petrovo Sello, Bajina Bashta dhe Rudnicë, rikujton raporti, transmeton Koha.net.
Në Mal të Zi gjurmohet edhe për 60 të zhdukur, kurse në Kroaci për rreth 1.570 persona.
