3 orë më parëRritet urrejtja ndaj myslimanëve në Barcelonë (Foto)
Periskopi(9 vite më parë)
(9 vite më parë)Deri në sulmet terroriste të Barcelonës, duket sikur Spanja ishte pothuajse imune ndaj ndjenjave anti-islamike. Por numri i incidenteve islamofobike është rritur në mënyrë dramatike që atëherë dhe, muslimanët spanjollë janë të brengosur për këtë nivel të lartë anti-myslimane. Në pasditen e sulmit terrorist në Barcelonë, Fatima El Himer 17 vjeç dhe motra e saj […]
Por numri i incidenteve islamofobike është rritur në mënyrë dramatike që atëherë dhe, muslimanët spanjollë janë të brengosur për këtë nivel të lartë anti-myslimane.
Në pasditen e sulmit terrorist në Barcelonë, Fatima El Himer 17 vjeç dhe motra e saj Haffssa 20 vjeç, kishin shkuar në qendër të qytetit të tyre në Granada, raportoi “Deutsche Welle”, transmeton Periskopi.
Ato ishin gati për të kapur autobusin për në shtëpi kur Fatima vuri re një grup zonjash spanjolle që flisnin për përkatësinë e tyre fetare.
“Ne i dëgjuam ato të thonë se ishte një turp që ne ndodheshim aty, ku në Barcelonë kishin vdekur njerëz për shkak të përkatësisë sonë religjioze”, tha ajo.
“Unë isha e tronditur, nuk kisha dëgjuar asnjëherë që të thoshte diçka të tillë ndonjë person tjetër”, u shpreh ajo.
Motrat ishin fëmijë të vegjël kur ato lëviznin me prindërit e tyre nga Maroku në Granada.
Fatima thotë se ajo gjithmonë e ka pasur një ndjesi që është mirëpirtur nga vendasit.
Por diçka ka ndryshuar që nga sulmet e 17 gushtit në Barcelonë dhe Cambrils që la 16 të vdekur.
“Për herë të parë në jetën time ndihem e parehatshme kur jam në qytet. Njerëzit më shikojnë në mënyrë të dyshimtë për shkak të hixhabit që e kam vënë. Ditën tjetër një kalimtar bërtiti që unë duhet të heqi atë për faktin se unë mund të fshehi gjëra të rrezikshme nën hixhab”, foli ajo.
Fatima nuk është e vetme. Myslimanët në të gjithë Spanjën kanë raportuar një rritje të ndjenjave anti-myslimane dhe krimet e urrejtjes që nga sulmet e Barcelonës.
Për më tepër janë shfaqur disa grafite në xhami të Granadas, Madridit, Seviljes dhe Tarragonas që shkruajnë: “Ju do të vdisni” dhe “Vrasësit do të paguani për këtë!”.
Katër ditë pas sulmeve, 2,500 muslimanë dolën në rrugët e Barcelonës për të denoncuar terrorizmin.
Shumë prej tyre mbanin banderola duke lexuar: “Jo në emrin tim” ose “Terrorizmi nuk ka fe”
Chafik El Boudali, 35 vjeç, pronar i një dyqani të frutave dhe perimeve në lagjen e Madridit të Tetuan, thotë se disa nga klientët e tij të zakonshëm nuk blejnë te dyqani i tij, që nga sulmi i Barcelonës.
“Unë nuk e di se çfarë mendojnë ata”, thotë ai.
“Që ne të gjithë jemi terroristë, por ajo që ka ndodhur në Barcelonë nuk ka të bëjë me Islamin siç e di”, citoi të ketë thënë ai./Periskopi/
