I riu që lindi dhe u rrit në Britani të Madhe urdhërohet ta lëshojë vendin, kjo është arsyeja tronditëse (Foto)

Banori i cili ka votuar, ka paguar taksa në Britani, sigurimet shëndetësore për dy dekada është urdhëruar ta lëshojë vendin menjëherë. E kjo ka ndodhur edhe pse ai ka lindur në Britani. Shane Ridge, nga Colne, Lancashire ka jetuar në Britani, qysh prej se ka lindur, teksa veten e përshkruan si britanez, shkruan Dailymail, përcjell Periskopi.

Por javën që shkoi, 21 vjeçari, prindërit e të cilit janë britanezë, ka pranuar një letër të tmerrshme ku i bëhet me dije se nuk ka dëshmi që të jetë në Britaninë e Madhe.

Por, nëna e Ridge e cila ka lindur në Australi gjatë pushimeve me familje por që ka jetuar në Britani, ka dy nënshtetësi.

Ndërkaq, prindërit e Ridge nuk janë martuar asnjëherë, e që i bie se ai nuk ka të drejtë që automatikisht të marr të drejtën të jetë britanezë. Por tashmë ai duhet ta shfrytëzojë të drejtën për të aplikuar për t’u bërë banor bazuar në vendbanimin e babait të tij, që ka nënshtetësinë britaneze.

E ligjet britaneze thonë se nëse një fëmijë ka lindur para muajit korrik 2006, dhe babai ka nënshtetësi britaneze automatikisht i kalon e drejta nëse nëna dhe babai janë martuar në datën e lindjes.

Aplikacionet do të pranoheshin nëse fëmija automatikisht do të jetë banorë i këtij vendi nëse i janë martuar prindërit.

Por Ridge e ka lënë këtë punë në harresë, sepse nuk e kishte idenë se e drejta e nënshtetësisë është automatike.

“Nuk është e drejtë kjo. Vetëm e kam pranuar një letër që më thotë se duhet ta lëshojë vendin”, thotë ai.

Ndërkaq tregon se çka e ka shqetësuar më së shumti prej letrës që ka pranuar.

“Ajo që më shqetësoi më shumë ishte fjalia…’lëshojeni vendin vullnetarisht’. Unë jam anglishtfolës. Nuk di çfarë të them..”, ka deklaruar ai .

Letra e ardhur nga Qendra e Imigrimit, më tej thuhet se ai duhet ta anuloj licencën, ta lëshojë vullnetarisht vendin ose do të duhet të pagujë gjobën prej 5.000 funta.

“Jam shumë konfuz, më duhet ta lëshojë vendin, ta lë familjen dhe të shkojë të jetojë në një vend të huaj. Nuk e kuptoj këtë unë kam lindur në Britani. Jam i martuar, paguaj taksat shtetit, kam hapur xhirolllgari në bankë. Kam veturë prej pesë muajsh ndërsa e kam lejen prej kur kam qenë 17 vjeç”, ka thënë ai.

Deri më tash asnjëherë nuk ka pasur problem, por ky problem ka nisur prej vitit të kaluar.

“Asgjë nuk më ka ndalur me pasaportën britaneze, deri sa kam aplikuar për vizë vitin e kaluar për të shkuar në pushime me të fejuarën dhe më është refuzuar”, ka thënë ai.

Por ai ka thënë se do të aplikojë për vendbanin, për faktin se babai i tij ka lindur në Britani.

Ndërkohë Ridge i është dhënë pasaporta australiane pasi që atje i ka lindur nëna.

“Jam duke u ndjerë tmerrshëm. Prindërit më thonë se çdo gjë do të bëhet mirë. Ndërsa e dashura ime po ndjehet shumë keq. /Periskopi