6 orë më parëRihapen tregjet e kafshëve
Periskopi(9 vite më parë)
(9 vite më parë)Agjencia e Ushqimit dhe Veterinarisë ka shfuqizuar vendimin për mbylljen e tregjeve të kafshëve në të gjitha Komunat e Kosovës, i cili është marrë si masë preventive për parandalimin e përhapjes së Sëmundjes Gungore të Lëkurës tek kafshët e llojit të Gjedhit. AUV ka bërë të ditur se ka marrë këtë vendim që të rihapen tregjet […]
Agjencia e Ushqimit dhe Veterinarisë ka shfuqizuar vendimin për mbylljen e tregjeve të kafshëve në të gjitha Komunat e Kosovës, i cili është marrë si masë preventive për parandalimin e përhapjes së Sëmundjes Gungore të Lëkurës tek kafshët e llojit të Gjedhit.
AUV ka bërë të ditur se ka marrë këtë vendim që të rihapen tregjet dhe heq masën e ndalimit të lëvizjes se kafshëve pasi nuk ka pasur asnjë rast të kafshëve të prekura gjatë këtij viti.
Bazuar në të dhënat, sipas statistikave, të cilat rezultojnë me asnjë rast të raportuar, ku masa e vaksinimit ka dhënë efektin e duhur, Drejtoria e Shëndetit dhe Mirëqenies së Kafshëve e AUV-së ka rekomanduar që mund të lejohet hapja dhe funksionimi i tregjeve.
Kryeshefi Ekzekutiv i AUV-së bazuar në këtë rekomandim, ka nxjerr vendim për shfuqizimin e menjëhershëm të pikave të vendimit paraprak, me të cilin, lejohet hapja dhe funksionimi i tregjeve të kafshëve në gjithë territorin e Republikës së Kosovës.
Kjo për të ju mundësuar në të njëjtën kohë të gjithë fermerëve dhe qytetareve tregtim të lirë të kafshëve, gjatë kohës së festës së Kurban Bajramit.
