5 orë më parëPyetja e Kurtit që shqetësoi Kadri Veselin
Periskopi(9 vite më parë)
(9 vite më parë)I nominuari për Kryeministër të Kosovës nga radhët e Lëvizjes Vetëvendosje, Albin Kurti i është përgjigjur kryetarit të PDK-së Kadri Veselit, pasi që ky i fundit e akuzoi VV’në si parti terroriste. Por, nuk zgjati shumë kohë, Kurti iu përgjigj atij duke thënë se “Unë pata një pyetje shumë të thjeshtë për Kadri Veselin dil […]
Por, nuk zgjati shumë kohë, Kurti iu përgjigj atij duke thënë se “Unë pata një pyetje shumë të thjeshtë për Kadri Veselin dil matu shiko a i ke 61 deputetë”.
Më tej ai tha “Kushtetuta ua ka dhënë të drejtën eksklusive që subjekti juaj politik të kandidojë Kryetarin e Kuvendit. Nëse frikësohesh të matësh unë jam i bindur që në mesin e deputetëve të partisë suaj ka deputetë që i marrin 61 vota”.
Po ashtu Kurti tha disa fjalë në lidhje me urrejtjen që ka PDK karshi VV’së, “Unë nuk po e kuptoj gjithë këtë gjuhë të urrejtjes, pse gjithë kjo ashpërsi në drejtim të VV’së?”.
Ndërkaq, sa i përket çështjes së pesë aktivistëve të VV’së të arrestuar për terrozimin, ai tha se “Aktivistët të cilët akuzohen për terrorizëm ata janë liruar dje për shkak të mungesave të provave, por z. Veseli nuk arriti ta bëj punën e prokurorit dhe gjyqësorit i cili e ka shkatërruar sistemin gjyqësor. Astrit Dehari është mbytur në burg, VV’ja do ta çlirojë sistemin e drejtësisë nga korrupsioni dhe rasti i Astritit do të zbardhet me qeverisjen e VV’së”.
Për fund, Kurti nuk e kurseu Veselin edhe sa i përket pjesës së flamurit kombëtar “Ju e patë se çfarë tha z. Veseli, ai e barazoj flamurin kombëtar të Serbisë me atë të Shqipërisë, s’ka nevojë atë me e pyet, ai vet kallxon”./Periskopi/
