Konjufca PAN’it: Ejani nesër në seanë dhe nëse i keni numrat, votojeni kë të doni

Glauk Konjufca thotë se interesi i Kosovës është që seanca konstituive të përmbyllet sa më shpejtë.

Tthotë se PAN nuk po e bëjnë një gjë të tillë sepse duan me çdo kusht ta zgjedhin Kadri Veselin kryetar të Kuvendit, e që sipas tij, Kosova ka mbetur peng i emrit të Kadri Veselit, tha Konjufca, transmeton Periskopi.

“Interesi i Kosovës është që kjo seancë të mbyllet sa më shpejt, që koalicioni PAN ta propozojë kryetarin e ardhshëm të Kuvendit e Kosovës. Mirëpo ata nuk po e bëjnë këtë gjë sepse nuk i kanë votat për Kadri Veselin. Prandaj krejt Kosova është peng i një emri. Andaj ne jemi kundër këtyre takimeve. Tash i kemi rezultatet dhe jemi vetëm para një faze, jemi para zgjedhjes së kryetarit të Kuvendit. Nëse PDK nuk heq dorë nga Kadri Veseli, atëherë unë i ftoj që ta qesin Kadri Veselin në votim. Nëse ata patjetër duan ta qesin në votim Kadri Veselin, unë i ftoj që nesër ta qesin në votim meqenëse qenka kaq i rëndësishëm”, ka thënë Konjufca, transmeton Periskopi.

“Ata po shtyjenë seancën sepse ju mungojnë votat, zgjidhja më e mirë do të ishte që nëse ju mungojnë votat ta pranojnë këtë gjë dhe t’u hapin rrugë krijimit të institucioneve”, tha Konjufca. /Periskopi/