6 orë më parëA po e rrezikojnë diskualifikimin nga zgjedhjet lokale VV dhe LAA
Periskopi(9 vite më parë)
(9 vite më parë)Koalicioni parazgjedhor LAA dhe Lëvizja Vetëvendosje rrezikojnë të penalizohen me mos pjesëmarrje në zgjedhjet lokale nëse ato nuk i paguajnë PZAP-së mbi 134 mijë euro si pjesë e gjobës për thyerjen e mirësjelljes gjatë fushatës zgjedhore. Ndërkaq sipas Panelit Zgjedhor për Ankesa dhe Parashtresa (PZAP) koalicioni PAN, deri më tani ka paguar 60% e këtij […]
Koalicioni parazgjedhor LAA dhe Lëvizja Vetëvendosje rrezikojnë të penalizohen me mos pjesëmarrje në zgjedhjet lokale nëse ato nuk i paguajnë PZAP-së mbi 134 mijë euro si pjesë e gjobës për thyerjen e mirësjelljes gjatë fushatës zgjedhore.
Ndërkaq sipas Panelit Zgjedhor për Ankesa dhe Parashtresa (PZAP) koalicioni PAN, deri më tani ka paguar 60% e këtij obligimi, ose 81,917.00 euro, shkruan Indeksonline.
Gjithsesi të gjitha subjektet e lartcekura për t’i shlyer gjobën e tyre kanë kohë deri nesër në ora 16:00, pasi kjo është koha kur institucionet financiare e përfundojnë orarin e punës.
PZAP sot ka dhënë një njoftim në të cilin thuhet se e deri më tani gjobat për thyerjen e mirësjelljes gjatë fushatës zgjedhore kanë paguar vetëm partitë minoritare që janë në Kosovë.
Gjithsej shuma e cila duhet të paguhet është 348,900.00 euro. PZAP ka njoftuar se gjobën e tyre e kanë paguar, Lista Serbe, Partia e Ashkalive për Integrim, Koalicioni – VAKAT dhe Kosovo Demokratik Turk Partisi.
“Lista Serbe e ka paguar në tersi shumën e gjobave 35,600.00 euro,Partia e Ashkalive për Integrim –PAI, ka pagur ne tersi shumën e gjobave prej 1,200.00 euro, Koalicioni – VAKAT, ka pagur në tersi shumën e gjobave prej 1,200.000 euro,Kosovo Demokratik Turk Partisi – KDTP, ka paguar ne tersi shumën e gjobave prej 8,400.00 euro”, thuhet në njoftimin e PZAP-së.
