4 orë më parëPër t’i siguruar makinat e vjetra, keni kohë veç edhe…
Periskopi(9 vite më parë)
(9 vite më parë)Katër muaj para hyrjes në fuqi të ligjit për kufizim të importimit të automjeteve deri në 10 vjet të vjetra, ka nisur dyndje e madhe e importit të automjeteve të përdorura. Nga 1 janari e deri më 22 gusht, numri i veturave të importuara është 16 mijë e 885, me ç’rast në llogarinë e […]
Katër muaj para hyrjes në fuqi të ligjit për kufizim të importimit të automjeteve deri në 10 vjet të vjetra, ka nisur dyndje e madhe e importit të automjeteve të përdorura.
Nga 1 janari e deri më 22 gusht, numri i veturave të importuara është 16 mijë e 885, me ç’rast në llogarinë e shtetit kanë hyrë rreth 18 milionë euro.
Bazuar në listë, numri më i madh i automjeteve të importuara vjen nga kompanitë prodhuese gjermane, të përcjella nga ato franceze. Njohësit e zhvillimeve ekonomike nuk u besojnë arsyeve të nxjerra nga qeveria për të bërë ligjin e ri, ndërsa besojnë fort se ekzekutivi do të shtojë taksat për t’i mbuluar humbjet.
Ligji për importin e automjeteve është ndryshuar disa herë, varësisht prej nevojave që qeveria i ka pasur për të mbushur më së lehti buxhetin e vendit me para. Fillimisht u lejua të importoheshin automjete deri në 8 vjet të vjetra, pastaj më 2011 u shtua deri në 13 vjet, për t’u hequr i tëri tash e disa vjet.
