6 orë më parëNë aeroportin e Gjakovës mbahet ushtrimi fushor “Mascal 2017”
Periskopi(9 vite më parë)
(9 vite më parë)Drejtoria për Mbrojtje dhe Shpëtim e Komunës së Gjakovës njofton se më 24 gusht do të mbahet ushtrimi fushor “Mascal” në aeroportin e Gjakovës, i cili është i projektuar sipas skenarit “Rrëzimi i aeroplanit komercial në Kosovë”, ku parashikohen viktima dhe lëndime në masë të udhëtarëve dhe ekuipazhit. Ushtrimi është i organizuar nga Agjensioni për […]
Drejtoria për Mbrojtje dhe Shpëtim e Komunës së Gjakovës njofton se më 24 gusht do të mbahet ushtrimi fushor “Mascal” në aeroportin e Gjakovës, i cili është i projektuar sipas skenarit “Rrëzimi i aeroplanit komercial në Kosovë”, ku parashikohen viktima dhe lëndime në masë të udhëtarëve dhe ekuipazhit.
Ushtrimi është i organizuar nga Agjensioni për Menaxhimin e Emergjencave/MPB me mandat koordinues qeveritar, pjesë e së cilës do të jetë edhe Komuna e Gjakovës dhe do të mbështetet nga KFOR-i në aspektin organizativ dhe implementues.
Mbajtja e këtij ushtrimi ka për qëllim testimin e kapaciteteve reaguese vendore dhe ndërkombëtare të incidenteve të këtij lloji në vend.
Drejtoria për Mbrojtje dhe Shpëtim me qëllim të shmangies së çfarëdo shqetësimi eventual njofton qytetarët, sidomos ata me banim në afërsi të aeroportit, se bëhet fjalë për një ushtrim me skenar të planifikuar.
