Mustafa për sulmin ndaj bashkëshortes së Stavilecit: Ky veprim është akt i ulët dhe i papranueshëm

Për sulmin ndaj bashkëshortes së ministrit Blerand Stavileci, ka reaguar edhe kryeministri i vendit Isa Mustafa.  Përmes një statusi në Facebook, Mustafa këtë akt e ka quajtur akt të ulët  dhe të papranueshëm për shoqërinë tonë, shkruan Periskopi.

“Sulmi fizik ndaj bashkëshortes së Ministrit Stavileci, që ndodhi sot, është akt i ulët, i papranueshëm për shoqërinë tonë. Asnjë motiv, nuk arsyeton sulmin ndaj një gruaje, ndjelljen e frikës dhe tmerrit ndaj një nëne, fëmijëve dhe familjes së saj”, ka shkruar Mustafa.

Sipas tij akterët e veprimeve të tilla duhet ta gjejnë përgjigjen në organet e drejtësisë dhe në shtetin ligjor.

“Drejtësia nuk guxon të dorëzohet para dhunës dhe huliganizmit sepse edhe ajo, nëse qëndron indiferente, nesër rrezikon të bëhet viktimë e po kësaj dhune. IM”, ka shkruar më tej Mustafa./Periskopi