2 orë më parëA mund të jetë ky plani B i PAN-it për seancën e nesërme
Periskopi(9 vite më parë)
(9 vite më parë)Nëse Behgjet Pacolli e AKR sonte përfundimisht vendosin që të mos e votojnë nesër kandidatin e Koalicionit PDK- AAK- Nisma për kryetar Kuvendi, Kadri Veseli, dhe kandidatin për kryeministër nga ky koalicion, Ramush Haradinaj, atëherë PAN ka planin B. Burime të Gazetës Blic theksojnë se janë optimist se sonte takimi ndërmjet Haradinajt e Veselit nga […]
Burime të Gazetës Blic theksojnë se janë optimist se sonte takimi ndërmjet Haradinajt e Veselit nga PAN me liderin e AKR-së Behgjet Pacolli do të përfundojë më sukses.
Megjithatë, nëse kreu i AKR-së u thotë JO, atëherë PAN sipas të gjitha gjasave mund të provoj që numrat t’i bëjë me votën e deputetit Labinot Tahiri.
“Nëse nuk ka marrëveshje PAN do të marrë pjesë në seancën e nesërme. Ndonëse për atë se a do ta propozojnë emrin e kandidatit do të vendoset nesër, megjithatë plani i PAN-it është që përmes votës së Teuta Rugovës e Labinot Tahirit ta zgjedhin kryetarin e Kuvendit dhe qeverinë”, tha ky burim.
Nga AKR sot ka pasur qëndrime të ndryshme nëse do të arrijnë apo jo marrëveshje me PAN-in. Zyrtarë të kësaj partie kanë dhënë deklarata të ndryshme në lidhje me këtë çështje.
Ndërkohë, kanë mbetur vetëm edhe pak orë deri në mbajtjen e seancës konstituive.
Edhe pse lideri i AAK-së, Ramush Haradinaj ka thënë se ende nuk e dijnë nëse janë të gatshëm për seancën konstituive, duke vënë dyshim për pjesëmarrje, kreu i Nismës për Kosovën, Fatmir Limaj ka thënë se deputetët e partisë së tij do të jenë prezent në seancë.
Seanca do të mbahet nesër nga ora 10:00.
