Molliqaj: U rikonfirmua aktakuza politike, përgjegjësit për vdekjen e Astritit të vihen para drejtësisë

Deputeti i Vetëvendosjes, Dardan Molliqaj, përmes një statusi në Facebook, ka reaguar pas lirimit të aktivistëve të VV-së nga arresti shtëpiak.

Ai ka thënë se lirimi nga arresti i Adeas, Egzonit dhe Frashërit është rikonfirmim që akuza ndaj aktivistëve ka qenë kryekëput politike.

Molliqaj ka komentuar edhe masën e caktuar ndaj aktivistit tjetër, Atdhe Arifi, të cilit iu është vazhduar arresti  shtëpiak.

Deputeti Molliqaj ka kërkuar që përgjegjësit për vdekjen e Astrit Deharit, ndaj të cilit rëndonte akuza e njëjtë, të vihen sa më shpejtë para drejtësisë.

Ky është statusi i plotë i tij:

Lirimi nga arresti shtëpiak i Adeas, Egzonit dhe Frashërit është rikonfirmim që akuza ndaj aktivistëve tanë ka qenë kryekëput politike.

Lirimi i Atdheut nga burgu për t’ia vazhduar arrestin shtëpiak dëshmon që sistemi i drejtësisë i kapur nga klani Pronto ende nuk janë të gatshëm të heqin dorë nga persekutimet e tyre politike.

Atdheu duhet të lirohet sa më shpejtë, ndërsa përgjegjësit për vdekjen e Astritit në burg duhet të vihen sa më shpejtë para drejtësisë.