3 orë më parëMisioni i ri i “gjermanëve të trashë”: Dëshirojnë ta udhëheqin Prishtinën (Video)
Periskopi(9 vite më parë)
(9 vite më parë)Dy ish-protagonistët e serialit “Tre gjermanët e trashë” të cilët luanin rolin e zyrtarëve në një mision ndërkombëtare në Kosovë, tashmë vite më vonë kanë një mision të ri: ta marrin drejtimin e kryeqytetit të Kosovës. Lirak Çelaj nga Partia Demokratike e Kosovës dhe Kushtrim Sheremeti nga Lëvizja për Bashkim, tashmë zyrtarisht kanë shpallur kandidaturat […]
Lirak Çelaj nga Partia Demokratike e Kosovës dhe Kushtrim Sheremeti nga Lëvizja për Bashkim, tashmë zyrtarisht kanë shpallur kandidaturat e tyre për t’u bërë “i pari” i Prishtinës.
Të dy aktorët janë aktivizuar në politikë tash e disa vite ndërsa partitë e tyre kanë qenë në një koalicion edhe na mandatin e kaluar.
Por, përveç që kanë qenë në një koalicion të përbashkët, ata vite më parë kanë luajtur së bashku në një serial që arrinte shikueshmëri të lartë në vend.
“Tre gjermanët e trashë” kanë qenë “ndërkombëtarë” që kishin ardhur me mision për ta ndihmuar Kosovën e pasluftës.
Kështu, edhe fushata për zgjedhjet e ardhshme në kryeqytet mund të sjellë momente argëtuese, për të cilat në fund të vitit 2013 përkujdesej “kryetari lexhendar” i Partisë së Fortë, Visar Arifaj.
Por, përveç dy aktorëve që garojnë në Prishtinë, një tjetër emër i njohur i humorit në Kosovë do t’i hyjë garës së 22 tetorit.
Femi Ferati, i njohur për emisionin Show Messelation dhe Fehi’s Show, do të garojë si kandidat i Vetëvendosjes për kryetar të Mitrovicës./Insajderi.com
