Milaim Zeka: Nëse PAN nuk i ka numrat, Albin Kurti le ta krijojë Qeverinë

Deputeti Milaim Zeka ka kritikuar Lëvizjen Vetëvendosje se po bën gabim që po këmbëngulin të mbahet seanca konstituive pa konsultimin me partitë politike.

Ai tha:

“Ka nevojë me u konsultu Kryesia për rendin e ditës. Vetëvendosje po e ka të vështirë me kuptu që thirrja e tyre drejtuar PAN’it është një thirrje për me shkelë Kushtetutën. Tani a e kemi një Kushtetutë të hajrit a po jo, duhet ta debatojmë në të ardhmen. Imagjioni sikur PAN të vie sot me propozim që Albulena Haxhiu është kandidate për kryeministre të vendit”, tha Zeka.

“Nëse PAN nuk i ka numrat, atëherë bujrum Albin Kurti ose Avdullah Hoti le ta krijojnë Qeverinë”, ka thënë ai.