Mikullovci konfirmon se seanca vazhdon të hënën, ka një paralajmërim për PAN’in

Kryesuesi i seancës konstituive Adem Mikullovci ka pohuar për Periskopin se seanca e radhës do të mbahet të hënën.

Mikullovci ka thënë se kjo seancë do të mbahet të hënën duke filluar nga ora 10:00.

“Po, është e vërtetë se seancën do ta thërras të hënën në ora 10:00” , ka thënë Mikullovci për Periskopin.

Ai ka thënë se u kanë dhënë shumë mundësi koalicionit PAN, por ‘si duket ata kanë vendosur të vazhdojnë edhe më tutje të mos jenë present në Kuvend’.

Në këtë mënyrë, Mikullovci ka thënë se koalicioni PAN ‘mund të shkojë ku të dojë nëse nuk duan të vijnë në Kuvend’.

“Po u kemi dhënë mundësi disa herë dhe ata si duket kanë vendosur të mos vijnë në seancë. Ne nuk mund të mos mbajmë seancë fare”, ka thënë Mikullovci për Periskopin.

Ai ka thënë se më nuk do të ketë takime consultative pasiqë janë mbajtur tri deri më tani dhe nuk ka nevojë për më shumë takime të tilla.

Mikullovci ka thënë se në rast se PAN vazhdon të mos shkojë në seancë, do të shikohen mundësitë se cilët janë hapat ligjorë se si mund të veprohet tutje./Periskopi/